رکن اسمبلی کے بیٹے کو جان سے مارنے کی دھمکی

رکن اسمبلی کا کہنا ہے کہ 'اگر ایم ایل اے وغیرہ ہی محفوظ نہیں ہیں تو عام لوگ کیسے محفوظ رہ سکتے ہیں۔'

ریاست مدھیہ پردیش کے ضلع رائے سین کے ادے پورہ سے تعلق رکھنے والے کانگریس کے رکن اسمبلی دیویندر پٹیل کو ایک خط کے ذریعہ دھمکی دی گئی ہے جس میں ایک کروڑ روپئے کا مطالبہ کیا گیا ہے۔ وہیں اگر ایسا نہیں کیا گیا تو ان کے بیٹے کو جان سے مارنے کی دھمکی دی گئی ہے۔

موصولہ اطلاعات کے مطابق دھمکی آمیز خط گھر کے ٹیبل پر رکھنے کے بعد ایک مشتبہ شخص کو سی سی ٹی وی میں دیکھا گیا جس کی بنیاد پر پولیس ملزم کو تلاش کر رہی ہے۔ ساتھ ہی پولیس نے ملزم پر پانچ ہزار کے انعام کا بھی اعلان کیا ہے۔

اس کے ساتھ اتوار کے روز رکن اسمبلی دیویندر پٹیل نے کہا کہ جب ایم ایل اے اور سابق ایم ایل اے محفوظ نہیں ہیں تو لوگ کیسے محفوظ رہ سکتے ہیں۔ اس معاملے میں خوف و ہراس کی فضا ہے۔ پولیس کو اس معاملے کو سنجیدگی سے لینا چاہیے۔

آپ کو بتا دیں کہ ادے پورہ کے ایم ایل اے کے ساتھ کانگریس کے سابق ایم ایل اے بھگوان سنگھ اور ایک اسکول آپریٹر کو بھی دھمکی آمیز خط ملا ہے۔