Salman Khurshid on PFI Ban پی ایف آئی پر عائد پابندی پر سلمان خورشید کا ردعمل

کانگریس کے سینیئر رہنما اور معروف وکیل سلمان خورشید نے پاپولر فرنٹ آف انڈیا پابندی پر کہا کہ پی ایف آئی پر جو الزام ہے، اس کو کہیں نہ کہیں شدت پسند اور فرقہ وارانہ خیالات سے جوڑا گیا ہے اور کانگریس ہمیشہ سے ہی فرقہ وارانہ خیالات کی مذمت کرتی آ رہی ہے اور جو بھی اس خیالات کا حامی ہے چاہے وہ اکثریت میں ہوں یہ اقلیت میں، ہم اسے بنیادی طور پر نکارتے ہیں۔ Salman Khurshid on PFI Ban

دہلی: حکومت کی جانب سے پاپولر فرنٹ آف انڈیا پر یو اے پی اے کے تحت کارروائی کرتے ہوئے 5 برس کے لیے پابندی عائد کی گئی ہے۔ جس کے بعد پاپولر فرنٹ آف انڈیا سے متعلق سیاست تیز ہو گئی ہے۔ بی جے پی مسلسل پی ایف آئی پر تنقید کرتے ہوئے کانگریس اور دیگر سیاسی جماعتوں کو نشانہ بنا رہی ہے۔ Salman Khurshid on PFI Ban

ایسے میں کانگریس کے سینیئر رہنما اور معروف وکیل سلمان خورشید نے میڈیا سے بات کرتے ہوئے کہا کہ پی ایف آئی پر جو الزام ہے، اس کو کہیں نہ کہیں شدت پسند اور فرقہ وارانہ خیالات سے جوڑا گیا ہے اور کانگریس ہمیشہ سے ہی فرقہ وارانہ خیالات کی مذمت کرتی آ رہی ہے اور جو بھی اس خیالات کا حامی ہے چاہے وہ اکثریت میں ہوں یہ اقلیت میں، ہم اسے بنیادی طور پر نکارتے ہیں۔

سلمان خورشید نے یہ بھی کہا کہ اب پی ایف آئی پر جو الزام لگا ہے اس کی حقیقت کیا ہے، تفتیش میں سامنے آئے گی تب دیکھنا ہوگا کہ الزام صحیح ہے یا نہیں۔ انہوں نے کہا کہ الزام لگانا اور پابندی عائد کرنا یہ دونوں ہی مختلف باتیں ہیں۔ البتہ انہوں نے اس بات کی جانب بھی اشارہ کیا کہ بھارت میں تمام جرائم کے کیسز میں محض 6 فیصد مجرم ہی سزا کے حقدار ہوتے ہیں۔

پی ایف آئی پر پابندی کی مخالفت کے ایک سوال کے جواب میں سابق مرکزی وزیر سلمان خورشید نے کہا کہ ہر ایک انسان کے لیے ہر کوئی آواز نہیں اٹھاتا لیکن کہیں نہ کہیں آپ کا ایک دائرا ہوتا ہے جو آپ کے لیے آواز بلند کرتا ہے، اس لیے پی ایف آئی کا بھی ایسا ہی کوئی دائرا ہوگا جو پی ایف آئی کے لیے آواز بلند کرے گا۔