Congress Leader Slams Mohan Bhagwat موہن بھاگوت پر بھارت جوڑو یاترا کا اثر ہوگیا ہے

کانگریس رہنما گورو ولبھ نے کہا کہ 'ہم موہن بھاگوت سے گزارش کرنا چاہیں گے کہ اگر اس 15 دن کی یاترا کا آپ پر اتنا اثر ہوا ہے، تو آپ ایک گھنٹے تک بھارت جوڑو یاترا میں حصہ لیں اور ہاتھ میں ترنگا لے کر راہل گاندھی کے ساتھ چلیں۔" Congress Leader Slams Mohan Bhagwat

نئی دہلی: کانگریس رہنما گورو ولبھ نے کہا کہ آر ایس ایس سربراہ موہن بھاگوت کی آل انڈیا امام آرگنائزیشن کے صدر سے ملاقات، کانگریس پارٹی کی بھارت جوڑو یاترا کا اثر ہے۔ گورو ولبھ نے آر ایس ایس کے سربراہ سے کہا کہ وہ ملک کو متحد کرنے میں راہل گاندھی کا ساتھ دیں۔ موہن بھاگوت نے جمعرات کو دہلی میں مسجد اور مدرسہ کا دورہ کیا، اس دوران انہوں نے آل انڈیا امام آرگنائزیشن کے چیف امام ڈاکٹر عمیر احمد الیاسی سے ملاقات کی۔ Congress leader Gourav Vallabh slams mohan bhagwat over meets Muslim cleric

میڈیا نمائندوں سے بات کرتے ہوئے گورو ولبھ نے کہا کہ کانگریس پارٹی کی بھارت جوڑو یاترا کا یہ اثر ہوا کہ موہن بھاگوت نے پہلی بار کسی مدرسہ کا دورہ کیا۔ انہوں نے کہا کہ ''بھارت جوڑو یاترا کو شروع ہوئے صرف 15 دن ہی ہوئے ہیں اور اس کے نتائج سامنے آنے لگے ہیں۔ بی جے پی کے ایک ترجمان نے ٹیلی ویژن پر گوڈسے مردہ باد کہا ہے۔ موہن بھاگوت دوسرے مذہب کے شخص کے گھر بھی گئے۔ یہ بھارت جوڑو یاترا کا اثر ہے۔ ''

گورو ولبھ نے مزید کہا کہ بھارت جوڑو یاترا مکمل ہوتے ہی ملک سے نفرت اور تقسیم حکمرانوں کے ذریعے ختم ہو جائے گی۔ انہوں نے مزید کہاکہ "ہم موہن بھاگوت سے گزارش کرنا چاہیں گے کہ اگر اس 15 دن کی یاترا کا آپ پر اتنا اثر ہوا ہے، تو آپ ایک گھنٹے تک بھارت جوڑو یاترا میں حصہ لیں اور ہاتھ میں ترنگا لے کر راہل گاندھی کے ساتھ چلیں۔"