Congress Slams Modi Government: حکومت کی تاناشاہی ہمیں جھکا نہیں سکے گی، کانگریس

کانگریس کے جنرل سکریٹری اجے ماکن Congress General Secretary Ajay Maken نے کہا ہے کہ وزیر اعظم نریندر مودی کی قیادت والی بھارتیہ جنتا پارٹی (بی جے پی) حکومت گزشتہ آٹھ برسوں سے اپوزیشن کو دھمکانے اور دبانے کی مسلسل کوششیں کر رہی ہے، لیکن اس کی تمام کوششیں ناکام ہو گئیں۔ کانگریس تنظیم اپنی قیادت کے ساتھ متحد ہو کر مودی حکومت کے ہر غلط اقدام کا جمہوری انداز میں جواب دے گی۔Congress Slams Modi Government

نئی دہلی: کانگریس کے جنرل سکریٹری اجے ماکن نے منگل کے روز پارٹی کے ہیڈکوارٹر میں منعقدہ پریس کانفرنس میں کہا کہ صورتحال ایسی ہے کہ کانگریس ہیڈکوارٹر کے باہر پولس کا سخت پہرہ ہے اور یہاں تک کہ پارٹی لیڈروں کو اندر آنے کی اجازت نہیں دی جارہی ہے۔ کانگریس صدر سونیا گاندھی کو دوبارہ پوچھ گچھ کے لیے انفورسمنٹ ڈائریکٹوریٹ (ای ڈی) میں بلایا گیا ہے، لیکن حکومت بہت خوفزدہ اور گھبرائی ہوئی ہے۔ اسی لیے کانگریس کے ہیڈکوارٹر 24 اکبر روڈ کے باہر پولیس کی بھاری نفری تعینات کر دی گئی ہے۔Congress Slams Modi Government

انہوں نے کہا کہ کانگریس کو خوفزدہ کرنے اور پارٹی قیادت کو جھکانے کے لئے گزشتہ آٹھ برسوں سے مودی حکومت نے بہت زور لگایا لیکن کانگریس جھکنے والی نہیں ہے اور اس حکومت کی جابرانہ پالیسیوں کے خلاف کانگریس کارکنان، ایم ایل اے، ممبران پارلیمنٹ اور قائدین گاندھی کے ساتھ یکجہتی کا اظہار کرتے ہوئے آج ملک بھر کے تمام ریاستی دارالحکومتوں میں بڑے پیمانے پر ستیہ گرہ کریں گے۔ حکومت ملک کو فرقہ پرستی کی آگ میں جھونکنے کے لیے ای ڈی جیسے اداروں کا غلط استعمال کر رہی ہے اور بنیادی مسائل سے توجہ ہٹانے کے لیے اپوزیشن کو جھوٹے الزامات میں پھنسا رہی ہے۔Congress Slams Modi Government

کانگریس کے ترجمان نے کہا کہ سونیا گاندھی اور راہل گاندھی کو صرف اس لیے نشانہ بنایا جا رہا ہے کہ حکومت اپنی ناکامی کو چھپانا چاہتی ہے کہ کوئی بھی ملک کے وسائل کی لوٹ مار، کسانوں کی حالت زار، بے روزگاری پر حکومت کے خلاف آواز نہ اٹھائے۔ غریب عوام پر مہنگائی کے بوجھ کی بات کوئی نہ کریں۔ انہوں نے کہا کہ حکومت نے کانگریس کو مہاتما گاندھی کی سمادھی پر ستیہ گرہ کرنے کی اجازت نہ دے کر جمہوریت کا قتل کیا ہے۔ انہوں نے کہا کہ بی جے پی شاید مہاتما گاندھی اور سوامی وویکانند کے ان الفاظ کو بھول گئی ہے، جس میں انہوں نے بارہا کہا ہے کہ سچائی کو پریشان کیا جا سکتا ہے لیکن شکست نہیں دی جاسکتی ہے۔Congress Slams Modi Government

یو این آئی