کانگریس ہائی کمان کی جانب سے اتحاد کو منظور ی ملنے کے بعد لفٹ فرنٹ اور کانگریس نے سیٹوں کی تقسیم کو لے کر میٹنگ شروع کر دی ہے۔
مغربی بنگال پردیش کانگریس کے صدر ادھیر رنجن چودھری نے کہا کہ کانگریس کی جانب سے اتحاد کو منظوری ملنے کے آگے کی کارروائی شروع کی جائے گی۔ترنمول کانگریس اور بی جے پی کو روکنے کے لئے کانگریس اور لفٹ فرنٹ کے درمیان اتحاد بے حد ضروری ہے۔ایک مضبوط اتحاد کی ضرورت تھی۔
ہم نے لفٹ فرنٹ کے ساتھ اتحاد کرکے بنگال کے عوام کے سامنے ایک بہترین اور مضبوط متبادل پیش کیا ہے۔ اسی اتحاد کی بنیاد پر ترنمول کانگریس اور بی جے پی کو روکا جا سکتا ہے۔پردیش کانگریس کے صدر نے کہا کہ اگلے ایک ہفتہ کے دوران سیٹوں کی تقسیم کو لے کر کسی نتیجے پہنچنا ضروری ہے۔
سیٹوں کی تقسیم کے بعد کانگریس اور لفٹ فرنٹ پر ترنمول کانگریس اور بی جے پی کے خلاف محاذ کھول دیا جائے گا اوربڑے پیمانے پر انتخابی مہم چلائی جائے گی۔
دوسری طرف لفٹ فرنٹ کے چیئرمین بمان بوس نے کہا کہ امید کے مطابق سب کچھ ہو رہا ہے۔اب سیٹوں کی تقسیم کو لے کر میٹنگ کرنی ہے۔لفٹ فرنٹ کی 16 حلیف جماعتوں کے ساتھ میٹنگ کرکے کانگریس کے فیصلے پر تبادلہ خیال کرنا ضروری ہے تاکہ سیٹوں کی تقسیم کو لے کر کسی بھی قسم کی پریشانی نہ ہو۔
