BJP and JDU alliance broken 'بی جے پی سے اتحاد ٹوٹنے سے کافی خوش ہوں'

بہار کے وزیر اعلی نتیش کمار بی جے پی سے الگ ہونے پر خوش ہیں۔ انہوں نے کہا کہ لگتا ہے جیسے آزادی مل گئی ہے۔ سی ایم نے کہا کہ اس اتحاد کے ٹوٹنے سے جے ڈی یو کے تمام رہنماوں اور کارکنوں کے چہروں پر خوشی صاف نظر آرہی ہے۔BJP and JDU alliance broken

پٹنہ: سیاسی ماہرین کا ماننا ہے کہ جب سے بہار میں جے ڈی یو کا بی جے پی سے اتحاد ٹوٹا ہے اور آر جے ڈی کے ساتھ نیا اتحاد بنا ہے، تب سے وزیر اعلیٰ نتیش کمار کافی خوش نظر آرہے ہیں۔ نتیش کمار 2017 کے مقابلے 2022 میں ہونے والی تبدیلی سے زیادہ خوش ہیں۔ اب اس بارے میں وزیراعلیٰ نے خود بتایا ہے کہ وہ ان دنوں خوش کیوں ہیں۔ دراصل اتوار کو پٹنہ میں جے ڈی یو نیشنل کونسل کی میٹنگ سے خطاب کرتے ہوئے نتیش کمار نے اپنی ہنسی اور خوشی کی وجہ بتائی ہے۔ CM Nitish Kumar said he is very happy after breaking alliance with BJP

انہوں نے کہا کہ آج کل ہم جو کام کرتے ہیں اس کام کو مودی حکومت اپنے نام کرنے کی کوشش کرتی ہے اور ہمارے کام کو وہ اپنے نام سے تشہیر کرتی ہیں۔ ہماری طرف سے کوئی پروپیگنڈہ نہیں ہے کہ ہم یہ کر رہے ہیں۔ آپ لوگوں کو محسوس ہورہا ہوگا کہ اب ہم زیادہ خوش رہتے ہیں، ہنستے رہتے ہیں اور ہم اس لئے خوش ہیں کیونکہ ہم نے بی جے پی سے اپنا اتحاد ختم کر لیا اور تمام لوگ متحد ہوکر ایک ساتھ ملک کی ترقی کے لئے کام کر رہے ہیں۔

انہوں نے مزید کہا کہ اسی اتحاد کی وجہ سے ہم زیادہ خوش رہتے ہیں اور ہمیں آپ لوگ بھی خوش نظر آ رہے ہیں، آپ کے چہروں سے خوشی جھلک رہی ہے اور آپ لوگوں کی خوشی میں ہماری خوشی ہے۔ نتیش کمار نے جے ڈی یو رہنماوں کے سامنے اعتراف کیا کہ 2017 میں ہم سے غلطی ہوئی تھی۔ یہاں تک کہ انہوں نے این ڈی اے میں شامل ہونے کے فیصلے کو احمقانہ قرار دیا۔ نتیش نے کہا کہ 2013 میں ہم این ڈی اے سے الگ ہو گئے تھے اور کسی وجہ سے ہم 2017 میں دوبارہ این ڈی اے میں چلے گئے، جس کی وجہ سے کچھ ریاستوں کے لوگ ہم سے الگ ہوگئے۔ انہوں نے کہا کہ اب جب وہ این ڈی اے سے الگ ہوئے ہیں تو لوگ کہہ رہے ہیں کہ یہ ٹھیک ہے۔