نتیش کمار نے 13 کلومیٹر طویل الیویٹیڈ پل کا افتتاح کیا

کسانوں کی تحریک کے تعلق سے وزیراعلی نتیش کمار نے کہا کہ حکومت تو چاہتی ہے بات کرنا، فصلوں کی حصولیابی میں کوئی پریشانی نہیں ہوگی۔

دارالحکومت پٹنہ کے دیگھا علاقے میں وزیر اعلی نتیش کمار نے 12.73 کلو میٹر طویل الیویٹیڈ پل کا افتتاح کیا، اس کی تعمیر میں تقریباً 13 سو کروڑ روپے خرچ ہوئے ہیں۔

وزیر اعلی نتیش کمار نے کہا کہ اس پل کی وجہ سے لوگوں کو بہت سہولت ہوگی، اس کو 2018 میں ہی تیار ہونا تھا، مگر تھوڑی تاخیر ہوگئی۔

کسانوں کی تحریک کے متعلق پوچھے گئے سوال کے جواب میں انہوں نے کہا کہ حکومت ان سے بات کرنا چاہتی ہے، اس نئے قانون کی وجہ سے کسانوں کو اپنے فصلوں کو فروخت کرنے میں کوئی پریشانی نہیں ہوگی، حصولیابی آسان ہو گئی ہے۔

انہوں نے مزید کہا کہ ہم نے ریاست میں تو پہلے ہی اس کا نظم کر دیا تھا، اب پیکس کے ذریعہ فصلوں کی خریداری ہوتی ہے۔