Invest Rajasthan Summit 2022 انویسٹ راجستھان سمٹ 2022 سے ریاست میں روزگار بڑھے گا، گہلوت

گہلوت نے پریس کانفرنس میں کہا کہ جے پور کے سیتا پورہ میں جے ای سی سی کی منعقد ہونے والی اس چوٹی کانفرنس کا تھیم ریاست میں سرمایہ کاری اور روزگار کے مواقع پیدا کرنے کے لیے "کمیٹڈ ڈیلیورڈ" رکھا گیا ہے۔Invest Rajasthan Summit 2022

جے پور: راجستھان کے وزیر اعلی اشوک گہلوت نے آج کہا کہ راجستھان کے دارالحکومت جے پور میں 7 اور 8 اکتوبر کو منعقد ہونے والی انویسٹ راجستھان سمٹ 2022 سے ریاست میں سرمایہ کاری کا ماحول بنے گا اور روزگار میں اضافہ ہوگا، جس سے ریاست کو فائدہ ہوگا۔ گہلوت نے یہاں پریس کانفرنس میں کہا کہ جے پور کے سیتا پورہ میں جے ای سی سی کی منعقد ہونے والی اس چوٹی کانفرنس کا تھیم ریاست میں سرمایہ کاری اور روزگار کے مواقع پیدا کرنے کے لیے "کمیٹڈ ڈیلیورڈ" رکھا گیا ہے۔ انہوں نے کہا کہ اس بار لیک سے ہٹ کر یہ پروگرام کیا گیا۔ اس سے پہلے سرمایہ کاری کے لیے ایم او یو اور ایل او آئی پر دستخط سیمینار کے اندر ہی ہوتے تھے اور سمٹ کے بعد ایم او یو ہوتا تھا لیکن اس بار سمٹ سے پہلے ایم او یو اور ایل او آئی پر دستخط کر لیے گئے۔Invest Rajasthan Summit 2022

انہوں نے کہا کہ سمٹ میں پورے ملک اور بیرون ملک سے 3000 شرکاء شرکت کریں گے۔ انہوں نے کہا کہ اس سمٹ کے تحت تقریباً 11 لاکھ کروڑ روپے کی سرمایہ کاری کے لیے اب تک 4192 مفاہمت ناموں اور ایل او آئی پر دستخط کیے جا چکے ہیں۔ موصول ہونے والے ایم او یو اور ایل او آئی میں سے 40 فیصد پہلے ہی زمین پر اتارے جا چکے ہیں یا عمل درآمد کے عمل میں ہیں۔ انہوں نے کہا کہ سمٹ میں سیاحت، اسٹارٹ اپ سمیت پانچ شعبوں کا انتخاب کیا گیا ہے جن پر ماہرین کو بلا کر بات چیت کی جائے گی۔ انہوں نے کہا کہ ریکو کے صنعتی علاقے ہر جگہ کھولے جا رہے ہیں۔

وزیر اعلیٰ نے کہا کہ سمٹ کے دوسرے دن چھوٹے کاروبار پر توجہ دی جائے گی جس پر کھل کر بات چیت کی جائے گی۔ انہوں نے بتایا کہ سمٹ میں سنگ بنیاد اور افتتاح بھی ہوں گے۔ انہوں نے کہا کہ سمٹ سے قبل ملک اور بیرون ملک اس پر روڈ شو کا انعقاد کیا گیا اور ریاست میں سرمایہ کاری کو راغب کیا گیا۔ انہوں نے بتایا کہ اس سے فرق پڑا اور دہلی میں 70 ہزار کروڑ کی سرمایہ کاری کے لئے ایم او یو اور ایل او آئی پر دستخط کئے گئے۔ CM Gehlot on Invest Rajasthan Summit 2022

گہلوت نے کہا کہ اس سمٹ میں ہندوستان اور بیرون ملک سے کئی صنعتکار اور نامور شخصیات شرکت کریں گی، جن میں آرسیلر متل کے چیرمیں ایل این متل، اڈانی گروپ کے چیئرمین گوتم اڈانی، مہندرا گروپ کے ایم ڈی اور سی ای او ڈاکٹر انیش شاہ، آکاسا ایئر لائنز کے شریک بانی اور سوشل انٹرپرائزز سینٹرل کے صدر آدتیہ گھوش،بجاج فنسرو لمیٹڈ کے ایم ڈی سنجیو بجاج، اور کئی دیگر صنعتکار شرکت کریں گے۔

یواین آئی