گاندھی جینتی کے موقع پر گاندھی جی کو خراج عقیدت پیش کرنے کے لیے دہلی کے وزیر اعلی اروند کیجریوال اور نائب وزیر اعلیٰ منیش سسودیا آج صبح راج گھاٹ پہنچے۔ دونوں رہنماؤں نے باپو کی سمادھی پر خراج عقیدت پیش کیا۔
سی ایم کیجریوال نے ٹویٹ کرتے ہوئے لکھا کہ بابائے قوم مہاتما گاندھی جی کو ان کی سالگرہ پر خراج تحسین۔ مہاتما گاندھی کے خیالات نہ صرف بھارت بلکہ پورے عالمی معاشرے کو سچائی اور عدم تشدد کا راستہ دکھاتے ہیں۔
مزید پڑھیں:۔مہاتما گاندھی اور شاستری جی کو ملک نے خراج عقیدت پیش کیا
اس موقع پر انہوں نے سابق وزیر اعظم لال بہادر شاستری کو بھی خراج عقیدت پیش کیا اور کہا کہ شاستری جی کی سادہ زندگی ایمانداری اور موثر قیادت کے سلسلے میں ہر نسل کے لیے متاثر کن ہے۔
نائب وزیر اعلیٰ منیش سسودیا نے ٹویٹ کرتے ہوئے لکھا کہ گاندھی جی نے ملک کے لیے جو بھی خواب دیکھے، اس کا ایک حصہ تعلیم بھی ہے۔ ہم اس خواب کو سچ کرنے کی کوشش کر رہے ہیں۔ امید ہے کہ عوام کے تعاون سے اس میں کامیابی ملے گی۔
