Sanitation Workers on Strike صفائی کارکنان کی حمایت میں سی آئی ٹی یو کا 31 اکتوبر کو مظاہرہ

گزشتہ 10 دنوں سے ہڑتال کرنے والے ہریانہ کے صفائی کارکنان کے مبینہ جبر کے خلاف سنٹر فار انڈین ٹریڈ یونینز (سی آئی ٹی یو) 31 اکتوبر کو ریاست کے تمام اضلاع میں سڑکوں پر اترے گی۔ CITU in Support of Sanitation Workers

چنڈی گڑھ: ہریانہ میں گزشتہ 10 دنوں سے ہڑتال کرنے والے ہریانہ کے صفائی کارکنان کے مبینہ جبر کے خلاف سنٹر فار انڈین ٹریڈ یونینز (سی آئی ٹی یو) 31 اکتوبر کو ریاست کے تمام اضلاع میں سڑکوں پر اترے گی۔ Sanitation Workers on Strike Haryana

سی آئی ٹی یو ہریانہ کی صدر سریکھا، جنرل سکریٹری جئے بھگوان اور خزانچی ونود کمار نے آج یہاں جاری ایک بیان میں کہا کہ حکومت کو ہڑتالی ملازمین کے مطالبات کو فوری طور پر حل کرنا چاہئے۔ انہوں نے 40 ہزار شہری صفائی کارکنان کی ہڑتال کی حمایت کرتے ہوئے حکومت کی جانب سے ہڑتال کو دبانے کے لیے نافذ ایسما جیسے قانوں کی مذمت کی۔

انہوں نے کہا کہ حکومت مذاکرات کے ذریعہ صفائی ملازمین کے مطالبات حل کرنے کے بجائے ہراساں کرنے کے ہتھکنڈے اپنا رہی ہے۔ سی آئی ٹی یو قائدین نے کہا کہ حکومت شہری صفائی کارکنان کو تنہا نہ سمجھے اور ان کی آواز کو دبانے سے گریز کرے۔ مظاہرین کی حمایت میں سی آئی ٹی یو سے وابستہ تمام یونینیں 31 اکتوبر کو تمام اضلاع میں مظاہرہ کریں گی۔

یواین آئی