دہلی کی سرحد پر کسانوں کا دنگل

زرعی قوانین کے خلاف دھرنے پر بیٹھے کسانوں نے دنگل کا اہتمام کیا۔ اس دوران احتجاجی کسان کشتی کرتے نظر آئے۔

مرکزی حکومت کے خلاف کئی دنوں سے مسلسل دھرنے پر بیٹھے کسانوں نے آج بروز اتوار دنگل کا اہتمام کیا۔ یہ اہتمام الگ الگ سرحدوں پر دھرنے پر بیٹھی کسان تنظیموں نے کیا۔ اس سلسلے میں گوتم بدھ نگر کے چلا سرحد پر بھی دنگل کا اہتمام کیا گیا۔

اس کھیل کے بہانے کسانوں نے مرکزی حکومت کو یہ پیغام دیا ہے کہ اگر سرکار نے ان کے مطالبات نہیں مانے تو وہ آر پار کی لڑائی کے موڈ میں ہیں اور اس دنگل کے ذریعہ وہ اپنا دم خم دکھا رہے ہیں۔ چلا سرحد پر بھاتی کسان یونین عہدیداروں نے مرکز کو وارننگ دیتے ہوئے 26 جنوری کو دہلی کوچ کی بات کہی ہے۔

بھارتی کسان یونین (بھانو گروپ) کے عہدیدار بی سی پردھان نے حکومت کو وارننگ دیتے ہوئے کہا کہ کسان مل یدھ یعنی گوبر کی جنگ کے لیے بھی تیار ہیں۔

اگر حکومت زرعی قوانین کو واپس لینے کے ساتھ ساتھ کم از کم حمایتی قیمت کی گارنٹی دیتی ہے تو ٹھیک ہے، ورنہ کسان دو دو ہاتھ کے لیے تیار ہیں۔ کسان ڈنڈا لاٹھی کی مشق، پش۔اپ اور یوگ کر کے فٹ ہیں اور 26 جنوری کو دہلی کوچ کی تیاری تیزی سے جاری ہے۔ کسانوں کے تئیں حکومت کے احساسات مر چکے ہیں۔

انہوں نے کہا کہ سرکار جس زبان میں سمجھے گی کسان اسی زبان میں جواب دینے کے لیے تیار ہیں۔ کسان 26 جنوری کو جھانکی بھی دکھائیں گے۔

دنگل پروگرام کے دوران بڑے بزرگ، نوجوان اور باڈی بلڈروں نے دنگل پروگرام میں بڑھ چڑھ کر حصہ لیا۔ سبھی لوگوں نے طاقت کا مظاہرہ کرتے ہوئے سرکار کو متنبہ کیا کہ اگر زرعی قوانین کو واپس نہیں لیا تو نتیجہ بھگتنے کے لیے تیار رہیں۔