سی بی ایس ای نے گریڈ مارکس دینے کا فارمولہ سپریم کورٹ میں پیش کیا

سی بی ایس ای نے سپریم کورٹ میں 12 ویں جماعت کے گریڈ مارکس کا فارمولہ پیش کر دیا ہے۔ طلباء کو گریڈ مارکس دسویں، گیارہویں اور بارہویں کے پری بورڈ امتحان کی بنیاد دیئے جائیں گے۔

سی بی ایس ای نے 12 ویں جماعت امتحانات کے لیے گریڈ مارکس دینے کے لیے اس کا فارمولہ سپریم کورٹ کے روبرو پیش کیا۔

کلاس دسویں اور گیارہویں کے لیے ٹرم امتحانات کے پانچ پیپرز میں سے تین کے بہترین نمبروں پر غور کیا جائے گا۔ کلاس 12 ویں کے لیے، یونٹ، ٹرم اور پریکٹکل میں حاصل شدہ نمبروں کو مدنظر رکھا جائے گا۔

واضح رہے کہ سی بی ایس ای نے 12 ویں بورڈ کے امتحانات کے نتائج کے لیے 'ایویلویشن کرائیٹیریا(تشخیص کا معیار )' طے کر کے ایک کمیٹی بنائی ہے۔ سینئر عہدیداروں نے 'ایویلویشن کرائیٹیریا' اسی ہفتے جاری کرنے کی امید ظاہر کی تھی۔

12 رکنی ماہرین کی کمیٹی کی رپورٹ کی بنیاد پر تشخیص کا معیار بنایا گیا ہے۔