بنگلور: جمعہ مسجد ٹرسٹ بورڈ میں بدعنوانی اور غبن کے معاملے

گزشتہ دنوں بنگلور شہر کے قدیم و تاریخی ادارہ جمعہ مسجد ٹرسٹ بورڈ میں بدعنوانی و غبن کے معاملات کے متعلق خبریں ہیں۔ اس کے متعلق تفصیل یہ ہے کہ جمعہ مسجد ٹرسٹ بورڈ کی جانب سے ایس ایس افسر نامی رکن کے خلاف غبن کے الزامات کے ساتھ 2 ایف آئی آرز درج کئے گیے ہیں۔

اس سلسلے میں ایس ایس افسر نے جمعہ مسجد ٹرسٹ بورڈ کے دیگر اراکین پر چند الزامات لگائے تھے، جنہیں ٹرسٹ بورڈ کے سیکرٹری عثمان شریف نے بے بنیاد بتایا۔

اس معاملے کے متعلق جمعہ مسجد ٹرسٹ بورڈ کے سیکرٹری عثمان شریف نے بتایا کہ ایس ایس افسر نے ٹرسٹ بورڈ کے قبرستان میں کووڈ وبا کے دوران میتوں کی تدفین کو لیکر تقریباً 14 لاکھ روپے کا گھوٹالہ کیا ہے اور ایک جعلی انوائس دیکر اپنی ایک جھوٹی کمپنی کے اکاؤنٹ کو ٹرسٹ بورڈ سے غیر مصدقہ لین دین کیا ہے۔

جمعہ مسجد ٹرسٹ بورڈ میں بدعنوانی اور غبن کے معاملے

عثمان شریف نے بتایا کہ ان 2 ایف آئی آرز کی تحقیقات چل رہی ہیں۔ ایس ایس افسر فرار ہے اور گرفتاری سے بچنے کے لیے وہ پولیس کو چکمہ دے رہے ہیں۔

انہوں نے مزید بتایا کہ نچلی کورٹ و سیشن دونوں ہی کورٹز میں ایس ایس افسر کی ضمانت کی عرضی مسترد ہوچکی ہے۔