مودی کے خلاف ریمارک کرنے والے دو مسلم نوجوانوں کے خلاف کیس درج

وزیراعظم نریندر مودی کے خلاف ریمارکس کرتے ہوئے تشدد برپا کرنے والے قابل اعتراض مواد فیس بک پر پوسٹ کرنے کے الزام میں دو مسلم نوجوانوں کے خلاف پولیس نے کیس درج کرلیا ہے۔ یہ واقعہ آندھراپردیش کے چتور ضلع کا ہے۔

آندھراپردیش کے ضلع چتورمیں وزیراعظم نریندر مودی کے خلاف قابل اعتراض پوسٹ کرنے کے الزام میں دو مسلم افراد کے خلاف پولیس نے کیس درج کیا۔

تفصیلات کے مطابق چتور ضلع کے راماسمدرم پولیس اسٹیشن کے حدود میں دو مسلم نوجوانوں عادل اور داداپیر نے وزیراعظم نریندر مودی کے خلاف قابل اعتراض ریمارکس کرتے ہوئے فیس بک پر پوسٹ کیا۔

جس کے خلاف مقامی بی جے پی کے رہنما ناگابھوشنم، کرشنا مورتی، سرینواس اور دوسروں نے پولیس میں شکایت کی۔اور پولیس نے ان نوجوانوں کے خلاف تشدد کو بھڑکانے والے پوسٹ کرنے کے الزام میں مقدمہ درج کرلیا۔

اس سلسلے میں پولیس تحقیق کررہی ہے۔