پونچھ میں سڑک حادثہ، کمسن بچہ کی موت، تین زخمی

پونچھ کی تحصیل منڈی کے علاقہ راجپورہ میں ایک کار حادثہ کا شکار ہوگئی جس میں تین افراد شدید زخمی ہوگئے اور ایک کمسن بچے کی موت ہوگئی۔

مرنے والے کمسن بچے کی شناخت ریاض احمد ولد غلام قادر عمر ساکنہ اعظم آباد عمر 7-8 سال کے طور پر ہوئی ہے جبکہ زخمیوں میں غلام قادر ولد عبدالاحد عمر 35سال، امتیاز احمد ولد محمد عبداللہ عمر 20 سال ساکنہ راجپورہ، سلیمان ولد غلام قادر عمر 10 سال ساکنہ اعظم آباد شامل ہیں۔

شدید زخمیوں کو علاج کے لیے ضلع ہسپتال پونچھ روانہ کیا گیا۔ واضح رہے کہ یہ حادثہ پونچھ کی تحصیل منڈی کے علاقہ بلنائی جانے والی سڑک پر واقع ہوا‌ ہے۔