دنیا کی سب سے بڑی ترقی یافتہ معیشتوں کے سربراہوں کے سالانہ اجلاس میں ٹیکوں کی مساوی تقسیم سمیت عالمی وباء سے نجات بنیادی موضوع ہونے کی توقع ہے۔ امریکی صدر جو بائیڈن پہلے ہی کورونا ٹیکے کی 50 کروڑ خوراکیں فراہم کرنے کا عہد کر چکے ہیں، جبکہ برطانوی وزیر اعظم بورس جانسن نے برطانیہ کی طرف سے 10 کروڑ ویکسین دینے کا عہد کیاہے۔
کنیڈا ترقی پذیر ممالک کو کورونا کے 10 کروڑ ٹیکے مہیا کرائے گا
کنیڈا ترقی پذیر ممالک کو کورونا وائرس کے ٹیکے کی ایک ارب خوراک عطیہ کرنے کے G7 ممالک کے وعدے کے تحت 10 کروڑ خوراک مہیا کرائے گا۔
کنیڈا ترقی پذیر ممالک کو کورونا کے 10 کروڑ ٹیکے مہیا کرائے گا
برطانیہ میں کنیڈا کے ہائی کمشنر رالف گڈلے نے جمعہ کے روز اس سلسلے میں اپنے ملک کے فیصلے کے بارے میں صحافیوں کو بتا تے ہوئے کہا کہ کنیڈا دنیا بھر میں 10 کروڑ خوراکیں بھیجے گا۔ انہوں نے کہا کہ جسمانی سپلیمنٹس اور مالی تعاون کی شکل میں کنیڈا کا عطیہ 10کروڑ خوراکوں کے مساوی ہوگا۔ انہوں نے بتایا کہ جی- 7 کی قرارداد کے تحت کون سا ملک کتنا عطیہ دےگا ، یہ اتوار کے روزمعلوم ہوگا۔
گڈلے نے کہا کہ کنیڈا کے باشندوں کو ویکسین کا عطیہ دینے کے فیصلے اور اس کی خریداری میں ملک کی مشکلات کے پیش نظر ٹیکوں کی گھریلو فراہمی پر فکرمند ہونے کی ضرورت نہیں ہے۔