آر ایس ایس کے نظریے سے کبھی اتفاق نہیں کر سکتا: راہل گاندھی

کبھی ایک نظریہ ملک پر حکومت کرے گا اور کبھی دوسرا نظریہ۔ لیکن ان کا نظریہ نفرت پھیلاتا ہے لہٰذا وہ کسی دوسرے نظریے کے ساتھ سمجھوتہ کر سکتے ہیں لیکن آر ایس ایس اور بی جے پی کے نظریے سے کبھی اتفاق نہیں کر سکتے۔

کانگریس کے سابق صدر راہل گاندھی نے کہا ہے کہ راشٹریہ سویم سیوک سنگھ (آر ایس ایس) کی سوچ نفرت پھیلانا اور سماج کو تقسیم کرنا ہے، اس لیے وہ آر ایس ایس-بی جے پی کے نظریے سے کبھی اتفاق نہیں کر سکتے۔

خواتین کانگریس کے یوم تاسیس کے موقع پر بدھ کے روز یہاں پارٹی ہیڈ کوارٹر میں ملک کے مختلف حصوں سے خواتین کانگریس کے عہدیداروں سے خطاب کرتے ہوئے مسٹر گاندھی نے کہا ’’آج ملک میں آر ایس ایس-بی جے پی کی حکومت ہے۔ ان کے نظریے اور ہمارے نظریات میں بڑا فرق ہے۔ کبھی ایک نظریہ ملک پر حکومت کرے گا اور کبھی دوسرا نظریہ۔ لیکن ان کا نظریہ نفرت پھیلاتا ہے لہٰذا وہ کسی دوسرے نظریے کے ساتھ سمجھوتہ کر سکتے ہیں لیکن آر ایس ایس اور بی جے پی کے نظریے سے کبھی اتفاق نہیں کر سکتے۔

انہوں نے کہا کہ گاندھی جی اور ساورکر کے نظریے میں فرق جاننا ہر ایک کے لیے ضروری ہے۔ سوال یہ ہے کہ بی جے پی کے لیے کہا جاتا ہے کہ یہ ایک ہندو جماعت ہے اور آر ایس ایس کے لوگ ہندوتوا کو فروغ دیتے ہیں۔ لیکن گزشتہ دو سو برسوں کے دوران اگر کسی نے ہندو مذہب کو صحیح طور پر سمجھا اور اس کو سمجھا ہے تو وہ بابائے قوم مہاتما گاندھی تھے۔ آر ایس ایس اور بی جے پی کے لوگ بھی اس پر یقین رکھتے ہیں۔

یو این آئی