مسلم عوامی کمیٹی کی کال پر اورنگ آباد میں یکم اکتوبر یعنی جمعہ کے روز بند منانے کا اعلان کیا گیا ہے۔ مسلم پرسنل لا بورڈ کے رکن مولانا محفوظ الرحمان فاروقی ندوی نے داعیٔ اسلام مولانا کلیم الدین صدیقی کی گرفتاری کے خلاف احتجاجی طور پر ایک دن کا بند منانے کی اپیل کی ہے۔
مسلم عوامی کمیٹی کا کہنا ہے کہ یہ بند صرف اورنگ آباد میں نہیں بلکہ مراٹھواڑہ کے آٹھ اضلاع میں منایا جائے گا۔ علماء اور سماجی جہدکاروں نے عوام سے پُرامن طریقے سے اپنا احتجاج درج کروانے کی اپیل کی ہے۔
مولانا محفوظ الرحمان فاروقی ندوی نے مولانا کلیم الدین صدیقی کی گرفتاری کو ظلم سے تعبیر کیا ہے اور ظلم کے خلاف عوام سے صدائے احتجاج بلند کرنے کی اپیل کی ہے۔
