تین لوک سبھا سمیت 30 اسمبلی سیٹوں پر آج ضمنی انتخابات

لوک سبھا سیٹوں پر ضمنی انتخابات کے تحت دادرنگر حویلی، منڈی (ہماچل پردیش) اور کھانڈوا میں حق رائے دہندگان اپنے ووٹ کا استعمال کر رہے ہیں۔

ملک کی متعدد ریاستوں اور مرکز کے زیر انتظام علاقوں میں آج مجموعی طورپر تین لوک سبھا اور 30 اسمبلی نسشتوں کے لئے ضمنی انتخابات کے تحت ووٹ ڈالے جار ہے ہیں۔

لوک سبھا سیٹوں پر ہونے والے ضمنی انتخابات کی اگربات کی جائےتو دادرنگر حویلی، منڈی(ہماچل پردیش)اور کھانڈوا میں حق رائے دہندگان اپنے ووٹ کا استعمال کر رہے ہیں۔

اس کے علاوہ اسمبلی نشستوں پر ہورہے ضمنی انتخابات کے تحت ملک کے 14 ریاستوں کے متعدد اضلاع میں کُل 30 سیٹوں پر ووٹ ڈالے جارہے ہیں۔

ان نشستوں میں بہار کی دوسیٹں، ہماچل پردیش کی 3 سیٹیں، کرناٹک میں دو سیٹیں، تلنگانہ میں ایک سیٹ کے علاوہ مہاراشٹر، ہریانہ، راجستھان، آسام، آندھراپردیش، میگھالیہ، مغربی بنگال، میزورم اور مدھیہ پردیش کی سیٹیں شامل ہیں۔

واضح رہے کہ ضمنی انتخابات کے نتائج کا اعلان دو نومبر کو کیا جائے گا۔