بڈگام میں پولیس نے منشیات فروش کو گرفتار کیا

وسطی کشمیر کے ضلع بڈگام میں پولیس نے اپنی منشیات کے خلاف جنگ جاری رکھتے ہوئے ایک منشیات فروش کو گرفتار کر لیا اور اس کے قبضہ سے ممنوعہ ڈرگس ضبط کی۔

پولیس اسٹیشن کھاگ کی ایک خصوصی نفری نے بلاک کراسنگ چوک کھاگ پر ناکہ چیکنگ کے دوران ایک مشکوک شخص کو حراست میں لے کر تلاشی لی اور اس کی تحویل سے 100 گرام چرس برآمد کی۔

پولیس نے بتایا کہ مذکورہ شخص کی شناخت منظور احمد بیگ ولد محمد ابراہیم بیگ کے طور پر کی گئی ہے جو ملہ پورہ کھاگ کا رہنے والا بتایا جاتا ہے۔

اس ضمن میں پولیس اسٹیشن کھاگ میں ایک ایف آئی آر درج کی گئی ہے جو این ڈی پی ایس ایکٹ کے تحت رجسٹر درج کی گئی ہے اور مزید تحقیقات جاری ہے۔