BSF Shot Down Pakistani Drone بی ایس ایف نے پاکستانی ڈرون کو مار گرایا

پنجاب میں بین الاقوامی سرحد پر بارڈر سکیورٹی فورسز نے ایک پاکستانی ڈورن کو مار گرایا۔ ڈرون سے منشیات کی کھیپ برآمد کی گئی ہے۔

امرتسر: پنجاب میں بین الاقوامی سرحد کے پاس بی ایس ایف نے ایک بار پھر پاکستان کے ڈرون کو مار گرایا ہے۔ تباہ کیے گئے پاکستانی ڈرون سے منشیات کی کھیپ برآمد کی گئی ہے۔ بی ایس ایف کے ایک افسر نے کہا کہ پیر کو پنجاب کے امرتسر میں بین الاقوامی سرحد کے پاس منشیات لے جارہے ایک پاکستانی ڈرون کو مارا گرایا ہے۔ اہلکار نے بتایا کہ تلاشی کے دوران، ہیروئن کے دو مشتبہ پیکٹ ضبط کیے گئے۔ بی ایس ایف کے کمانڈنٹ اجے کمار مشرا نے بتایا کہ بی ایس ایف کی 144 کور کے جوانوں نے بی او پی راجاتل علاقے میں ایک ابھیان چلایا جس میں ایک ڈرون کو مار گرایا گیا۔ 2 پیکٹ ضبط کیے گئے ہیں جن میں ہیروئن ہونے کا شبہ ہے۔

اس سے قبل اتوار کو بھی بی ایس ایف اہلکاروں نے پنجاب میں امرتسر کے قریب بین الاقوامی سرحد کے پاس منشیات لے جانے والے پاکستانی ڈرون کو مار گرایا تھا۔ بی ایس ایف نے ایک بیان میں کہا تھا کہ بی ایس ایف اہلکاروں نے ہفتہ کی رات تقریباً 8:48 بجے امرتسر ضلع کے دھنو کلاں گاؤں میں مشتبہ پاکستانی ڈرون کی آواز سنی۔ بی ایس ایف کے جوانوں نے فوری طور پر ڈرون کو روکنے کے لیے کارروائی کی اور پاکستانی ڈرون کو مار گرایا۔ علاقے میں ابتدائی تلاشی کے دوران، بی ایس ایف کے اہلکاروں نے ایک ڈرون (کواڈ کاپٹر، ڈی جے آئی میٹرس، 300 آر ٹی کے) اور ایک کھیپ برآمد کی جس میں مشتبہ منشیات کے تین پیکٹ تھے۔ بی ایس ایف نے کہا کہ مشتبہ ہیروئن کی برآمد شدہ کھیپ کا کل وزن تقریباً 3.3 کلوگرام ہے۔ بی ایس ایف جوانوں نے پاکستان کی ایک اور مذموم کوشش کو ناکام بنا دیا۔