Brother Tied Up Sister And Beat کٹیہار میں بھائی نے بہن کو کھونٹی سے باندھ کر پیٹا، ویڈیو وائرل

کٹیہار میں ایک بھائی نے اپنی بہن کو باندھ کر بری طرح زدوکوب کیا۔ یہ سارا معاملہ زمین کے تنازع سے جڑا ہوا ہے۔ بہن نے بھائی کا منصوبہ پورا نہ ہونے دیا تو بھائی نے بہن کو باندھ کر بری طرح پیٹا۔

کٹیہار: بھائی بہن کا رشتہ سب سے مقدس رشتہ سمجھا جاتا ہے لیکن بہار کے کٹیہار میں ایک بھائی نے اپنی حقیقی بہن کو باندھ کر بری طرح مارا پیٹا کیا۔ یہ سارا معاملہ زمین کے تنازع کا بتایا جارہا ہے۔ بہن نے بھائی کے منصوبہ کو پورا نہ ہونے دیا تو بھائی نے بہن کو باندھ کر پیٹا۔ بہن کے ساتھ بھائی کے غیر انسانی سلوک کی ویڈیو منظر عام پر آئی ہے۔ دراصل پورا معاملہ ضلع کے پران پور تھانہ علاقہ کا ہے۔ زمین کے تنازع پر بھائی نے بہن کو کھونٹی سے باندھ کر بے دردی سے پیٹ ڈالا۔ بتایا جاتا ہے کہ متاثرہ خاتون کا اپنے بھائی موہن سنگھ کے ساتھ زمین کا تنازع چل رہا ہے۔ متاثرہ کے مطابق اس کے بھائی کی نظر اس کے حصے کی زمین پر تھی۔

متاثرہ بہن کا کہنا ہے کہ "میرا بھائی کہتا ہے کہ وہ مجھے پھانسی دے گا۔ میں نے کہا کہ میرے والد کی زمین پر ہم دونوں کا حصہ ہے، میں اپنی مرضی کے مطابق اپنا حصہ کسی کو بھی دے سکتی ہوں۔ میں نے اپنے بھائی سے کہا کہ زمین کی پیمائش کرو پھر گھر بنے گا۔ اتنا کہنے پر اس نے مجھے مارنا پیٹنا شروع کر دیا۔ بھائی کا نام موہن سنگھ ہے، اس کے پاس تین کٹا زمین ہے۔ وہ ساری زمین پر گھر بنا رہا ہے، اس نے ہمیں دھوکہ دیا ہے۔

بتایا جاتا ہے کہ بھائی بہن کے درمیان زمین کو لے کر تو تُو، میں میں ہوتی رہتی تھی۔ اس بات کو لے کر دونوں میں جھگڑا اتنا بڑھ گیا کہ بھائی موہن سنگھ کا غصہ ساتویں آسمان پر پہنچ گیا۔ ملزم نے بہن کو بانس کی کھونٹی سے باندھ کر مارا پیٹا۔ مار پیٹ کی ویڈیو سوشل میڈیا پر وائرل ہو رہی ہے۔ دوسری جانب واقعے کی اطلاع ملتے ہی پولیس کیس کی تفتیش میں مصروف ہوگئی اور متاثرہ کے بھائی کو گرفتار کرلیا ہے۔ اس معاملے پر کٹیہار صدر ایس ڈی پی او، اوم پرکاش نے کہا کہ فی الحال پولیس نے ملزم بھائی موہن سنگھ کو گرفتار کر لیا ہے۔ متاثرہ کے تحریری بیان کی بنیاد پر موہن سنگھ، بھابھی ٹوکو دیوی سمیت پانچ ملزمان کے خلاف تھانے میں ایف آئی آر درج کی گئی ہے۔