برطانوی وزیر اعظم بورس جانسن کا دورہ بھارت منسوخ

وزارت خارجہ نے پیر کے روز ایک بیان جاری کر کہا ہے کہ برطانوی وزیر اعظم بورس جانسن کا دورہ بھارت میں کورونا وائرس سے پیدا ہونے والی صورتحال کی وجہ سے منسوخ کر دیا گیا ہے۔

برطانوی وزیر اعظم بورس جانسن کا آئندہ ہفتے ہونے والا بھارت دورہ منسوخ کردیا گیا ہے، کیونکہ بھارت میں کورونا وائرس کی دوسری لہر سے صورتحال سنگین ہوگئی ہے۔

حکومت ہند نے اس تعلق سے جانکاری دی ہے۔

اس سلسلے میں وزارت خارجہ نے ایک بیان جاری کیا ہے، جس میں کہا گیا ہے کہ یہ فیصلہ کورونا وائرس سے پیدا ہونے والی صورتحال کی وجہ سے لیا گیا ہے۔

بتایا گیا ہے کہ اب دونوں وزیر اعظم آنے والے وقت میں آن لائن نشست کریں گے۔ اس سے قبل برطانوی وزیر اعظم کو 26 جنوری کو بطور مہمان خصوصی مدعو کیا گیا تھا لیکن اس دورے کو بھی کووڈ-19 کے باعث منسوخ کرنا پڑا تھا۔

واضح رہے کہ اس سے قبل اتوار کو برطانوی اپوزیشن پارٹی نے برطانوی وزیر اعظم بورس جانسن کے بھارت دورہ کو منسوخ کرنے کا مطالبہ کیا تھا۔