Breast Milk Donation پچپن لیٹر ماں کا دودھ عطیہ کرنے والی سندھو مونیکا کون ہیں؟

کوئمبٹور کی سندھو مونیکا نے گزشتہ دس ماہ سے 55 لیٹر ماں کا دودھ ذخیرہ کرکے اسے کوئمبٹور کے سرکاری اسپتال کو عطیہ کرچکی ہیں۔ سندھو مونیکا کو اس کارنامے کی وجہ سے انڈیا بک آف ریکارڈز کے لیے نامزد کیا گیا تھا جہاں اس کی کامیابی کو ایشیا اور انڈیا بک آف ریکارڈ نے تسلیم کرتے ہوئے اسے سرٹیفکیٹ اور تمغے سے بھی نوازا۔ Breast Milk Donation

کوئمبٹور: تمل ناڈو کی ریاست کوئمبٹور میں ایک خاتون نے گزشتہ دس ماہ سے 55 لیٹر ماں کا دودھ عطیہ Breast Milk Donation کرکے ریکارڈ بک میں اپنا نام درج کرایا ہے۔ یہ کارنامہ کوئمبٹور کے کنیور علاقے سے تعلق رکھنے والی سندھو مونیکا نے کیا ہے۔ مونیکا کی شادی چھ سال قبل پروفیسر مہیشورن سے ہوئی تھی، ان کی ایک ڈیڑھ سال کی بیٹی بھی ہے۔

سندھو مونیکا کا کہنا ہے کہ انہیں ماں کے دودھ کے عطیہ کے بارے میں سوشل میڈیا کے ذریعہ معلوم ہوا۔ اس کے بعد انھوں نے بھی ماں کا دودھ عطیہ کرنے کا فیصلہ کیا۔ اسی وجہ سے مونیکا نے تروپور ضلع کے ایوناسی علاقے میں ماں کے دودھ کو ذخیرہ کرنے والی تنظیم امرتھم تھائی پال دنام Amritham Thai Pal Danam سے رابطہ کیا۔

اس تنظیم کی کوآرڈینیٹر روپا نے سندھو مونیکا کو ماں کے دودھ کو کیسے ذخیرہ کیا جائے اور اسے کیسے محفوظ رکھا جائے کے متعلق بتایا، پھر اسی کے مطابق سندھو مونیکا نے گزشتہ دس ماہ سے 55 لیٹر چھاتی کا دودھ ذخیرہ کیا ہے اور اسے کوئمبٹور کے سرکاری اسپتال کو عطیہ بھی کیا ہے۔

اس کارنامے کی وجہ سے مونیکا کو انڈیا بک آف ریکارڈز کے لیے نامزد کیا گیا تھا اور اس کی کامیابی کو ایشیا اور انڈیا بک آف ریکارڈ میں تسلیم بھی کیا گیا ہے جہاں اسے سرٹیفکیٹ اور تمغے سے بھی نوازا گیا ہے۔ اس بارے میں بات کرتے ہوئے سندھو مونیکا نے کہا کہ ماں کا دودھ ہر بچے کی ضرورت ہے اور بہت سے بچے ماں کے دودھ سے محروم ہوتے ہیں، سوشل میڈیا پر اس بارے میں جاننے کے بعد میں نے ماں کا دودھ عطیہ کرنے کا فیصلہ کیا۔

مونیکا نے مزید کہا کہ ہر وہ ماں جو اس کے اہل ہو اس کو دودھ عطیہ کرنے کے لیے آگے آنا چاہیے اور یہ سوچنا غلط ہے کہ دودھ پلانا آپ کو کم خوبصورت بنا دے گا، انہوں نے کہا کہ بچے کی فلاح و بہبود خوبصورتی سے زیادہ اہم ہے۔

اس بارے میں سندھو مونیکا کے شوہر مہیشورن کا کہنا تھا کہ عام طور پر خواتین اس طرح ماں کا دودھ عطیہ کرنے کے لیے آگے نہیں آتیں۔ ہر ایک کو میری اہلیہ کی طرح ماں کا دودھ عطیہ کرنے کی کوشش کرنی چاہیے۔ اس کام میں مردوں کا کردار اہم ہے، ہمیں ماں کے دودھ کے عطیہ کی حوصلہ افزائی کرنی چاہیے۔

امرتھم بریسٹ مِلک ڈونیشن کی کوآرڈینیٹر روپا نے کہا کہ ہم ماں کا دودھ عطیہ کرنے کے لیے ایک تنظیم چلا رہے ہیں۔ ہم دودھ پلانے والی ماؤں سے ماں کا دودھ خریدتے ہیں اور اسے بریسٹ دودھ بینک کے حوالے کر دیتے ہیں۔ چھاتی کا دودھ ان بچوں کو عطیہ کیا جاتا ہے جو کم وزن اور غذائیت کا شکار ہوتے ہیں۔

انھوں نے کہا کہ گزشتہ سال 1,143 لیٹر ماں کا دودھ عطیہ کیا گیا تھا۔ اس سال اب تک ان کی تنظیم کے ذریعے 1500 لیٹر ماں کا دودھ عطیہ کیا جا چکا ہے۔ روپا نے کہا کہ سرکاری ہسپتال میں روزانہ 200 بچوں کو ماں کے دودھ کی ضرورت ہوتی ہے۔ تمل ناڈو میں ان کی تنظیم میں 5000 لوگ ہیں جس میں سے 200 لوگ ہر ماہ ماں کا دودھ عطیہ کر رہے ہیں۔