کشتی ڈوبنے کا واقعہ اوڈیشہ کے ضلع مالکانگیری میں واقع چتر کونڈا کے تھانہ کے تحت سیلرو ندی میں پیش آیا۔
اطلاع کے مطابق، لاک ڈاؤن کی وجہ سے مہاجر مزدور اپنے اپنے گھروں کو لوٹ رہے تھے۔ وہیں گاڑیوں کی آمد و رفت بند ہونے اور اہم مقامات پر پولیس کی چیکنگ کے مدنظر یہ مزدور اپنے گھروں تک نہیں پہنچ پا رہے تھے۔ اس کی وجہ سے حیدرآباد میں کام کرنے والے 11 مزدور آبی گزرگاہوں کے ذریعے اپنے گھروں کو لوٹ رہے تھے۔
آبی گزرگاہ سے جاتے وقت کشتی ڈوبنے لگی اور مزدور اپنی جان بچانے کے لئے دوسری کشتی میں جانے لگے۔ اس افراتفری میں، دونوں کشتیاں ڈوبنے لگیں اور اس میں ایک بچے کی موت ہو گئی۔ اس واقعے میں 7 افراد کے لاپتہ ہونے کی اطلاع ہے۔ دیگر 3 مزدور کسی طرح ندی سے بحفاظت نکلنے میں کامیاب ہوگئے۔
مزید پڑھیں:
اطلاع ملنے کے بعد مقامی افراد اور پولیس موقع پر پہنچ گئی ہے۔ او ڈراف ٹیم نے جائے وقوع سے لاپتہ افراد کی تلاش شروع کردی ہے۔
