بی جے پی کے جنرل سکریٹری ارون سنگھ کی جانب سے جاری پریس ریلیز کے مطابق پارٹی صدر جگت پرکاش نڈا نے مرکزی وزیر دھرمیندر پردھان کو اتر پردیش اسمبلی انتخابات کے لیے الیکشن انچارج مقرر کیا ہے۔
اتراکھنڈ اسمبلی الیکشن انچارجز وہیں مرکزی وزراء انوراگ ٹھاکر، ارجن رام میگھوال، شوبھا کرندلاجے، انا پورنا دیوی، رکن پارلیمان سروج پانڈے، رکن پارلیمان وویک ٹھاکر اور ہریانہ حکومت کے سابق وزیر کیپٹن ابھیمنیو کو شریک انچارج بنایا گیا ہے۔
اتر پردیش اسمبلی الیکشن انچارجز اس کے علاوہ اتر پردیش انتخابات کے پیش نظر تنظیم کے انچارجز بھی مقرر کیے گئے ہیں جن میں اروند مینن، سنجیو چورسیا، سنجے بھاٹیا، ستیہ کمار، سدھیر گپتا اور سنیل اوجھا شامل ہیں۔
اتر پردیش اسمبلی الیکشن انچارجز پنجاب کے لیے مرکزی وزیر گجیندر سنگھ شیخاوت کو جبکہ مرکزی وزراء ہردیپ سنگھ پوری، میناکشی لیکھی اور رکن پارلیمان ونود چاؤڑا کو شریک انچارج بنایا گیا ہے۔
پنجاب اسمبلی الیکشن انچارجز وہیں مرکزی وزیر پرلہاد جوشی کو اتراکھنڈ کا انچارج مقرر کیا گیا ہے جب کہ رکن پارلیمان لاکٹ چٹرجی اور پارٹی ترجمان سردار آر پی سنگھ شریک انچارج ہوں گے۔
منی پور اسمبلی الیکشن انچارجز مرکزی وزیر بھوپندر یادو منی پور کا انتخابی چارج سنبھالیں گے اور مرکزی وزیر پریتما بھومک اور آسام حکومت کے وزیر اشوک سنگھل شریک انچارج ہوں گے۔
مہاراشٹر کے سابق وزیر اعلیٰ دیویندر فڑنویس کو گوا کا الیکشن انچارج مقرر کیا گیا ہے۔
واضح رہے کہ اتر پردیش، پنجاب، اتراکھنڈ، گوا اور منی پور میں آئندہ برس 2022 کے فروری مارچ میں اسمبلی انتخابات ہوسکتے ہیں۔ ابھی ان پانچ ریاستوں میں سے چار میں بی جے پی جب کہ پنجاب میں کانگریس کی حکومت ہے۔
