Bidar Utsav بیدر اتسو پروگرام کے ذریعہ عوام کو گمراہ کیا جارہا ہے، وحید لکھن

بی جے پی کی ریاستی حکومت نے رکن اسمبلی رحیم خان کے تعاون سے بیدر اتسو منانے کا اعلان کیا جس کے خلاف مقامی سماجی و سیاسی رہنماؤں نے سخت ردعمل کا اظہار کیا۔ Bidar Utsav organized by bjp govt

بنگلور: ریاست کرناٹک کے بیدر شہر میں ایک طرف بیدر اتسو کی تیاریاں چلی رہی ہیں تو دوسری طرف سماجی و سیاسی تنظیموں اور کارکنان کی جانب سے پر زور مخالفت کی جارہی ہے۔ بیدر اتسو منائے جانے کے تناظر میں شہر کی اہم شخصیات کا کہنا ہے کہ مقامی ایم ایم اے کی قیادت نہ صرف بنیادی سہولیات کو فرام کرنے میں بلکہ ہر محاذ پر مکمل طور پر ناکام ہوچکی ہے۔ اس سلسلے میں جے ڈی ایس کے ترجمان اسد الدین و دائیں محاذ کے رہنما وحید لکھن نے کہا کہ رکن اسمبلی رحیم خان کے منسٹر آف اسپورٹس اور یوتھ امپاورمینٹ کے ہوتے ہوئے بھی نوجوانوں کے لئے کچھ نہیں کر پائی، لہذا آنے والے انتخابات کے پیش نظر اپنی صفر غیر کارگردگی و ناکامیوں کو پوشیدہ رکھنے کے لئے بیدر اتسو کے نام سے عوام کو گمراہ کرنے کی کوشش کی جارہی ہے۔ انہوں نے مزید کہا کہ مقامی رکن اسمبلی نے گزشتہ ساڑھے چار سالوں میں کچھ نہیں کیا اور اب ان کے پاس ترقیاتی کاموں کی کوئی فہرست نہیں ہے، اسلئے انہوں نے بیدر اتسو پروگرام منعقد کرانے کا فیصلہ تاکہ عوام کو کچھ کارکردگی دکھائی جا سکے۔ Bidar Utsav organized by bjp govt

کمیونسٹ پارٹی نے بیدر اتسو کو عوام کا دھیان بھٹکانے والا پروگرام قرار دیا اور اس اتسو کی شدید مخالفت کرتے ہوئے سی پی آئی کے رہنما محمد علی نے اعلان کیا کہ اس موقع پر مقامی رکن اسمبلی رحیم خان کی تمام ناکامیوں کا پردہ فاش کیا جائیگا۔ واضح رہے کہ بیدر ایک تاریخی شہر ہے جہاں بہمنی سلطنت نے راج کیا لیکن آزادی ہند کے بعد سے لیکر اب تک کسی قسم کی کوئی خاص ترقیاتی کام یہاں نہیں ہو پائے، جب کہ یہاں کانگریس کی ایک طویل مدت سے حکومت رہی ہے۔