ملک میں آئے دن پیش آرہے پر تشدد واقعات بالخصوص مسلمانوں کو نشانہ بنانا نہایت ہی افسوسناک ہے۔ اس سلسلہ میں ریاست کرناٹک کے شہر بیدر میں علماء کرام نے ای ٹی وی بھارت سے بات کرتے ہوئے ملک میں پیش آرہے پرتشدد واقعات پر شرپسندوں کی بزدلانہ حرکت کو قومی یکجہتی کی سلامتی کے لیے خطرہ قرار دیا۔
مولانا عبدالقدیر عطار نے کہا کہ ملک میں آئے دن پیش آرہے پر تشدد واقعات بالخصوص مسلمانوں کو نشانہ بنانا نہایت ہی افسوسناک ہے۔ ہمارا ملک ہندو مسلم اتحاد کی ایک اعلیٰ مثال ہے۔ اس طرح کے واقعات سے ملک کی قومی سلامتی کی فضا مکدر ہورہی ہے، ملک کی گنگا جمنی تہذیب کی سلامتی کے لیے ہم سب کو ایک دوسرے کے مذاہب کا احترام کرنا چاہیے۔