فرانس کے عظیم فٹبال کھلاڑی زین الدین زیدان ایک بار پھر سے فٹبال کلب ریئل میڈرڈ سے منسلک ہو گئے ہیں، انہوں نے 9 ماہ قبل کوچ کے عہدے سے استعفیٰ دیا تھا۔
ریئل میڈرڈ کے موجودہ کوچ سینٹیاگو سولاری کو ہٹا کر دوبارہ زیدان سے معاہدہ کیا گیا ہے، انہوں نے ریئل میڈرڈ کے ساتھ سنہ 2022 تک کا معاہدہ کیا ہے۔
واضح رہے کہ زیدان کی سربراہی میں ریئل میڈرڈ نے شاندار کارکردگی کا مظاہرہ کرتے ہوئے کئی خطاب جیتے ہیں۔
زیدان نے سنہ 2016 میں پہلی بار ریئل میڈرڈ کے کوچ کے طور پر ذمہ داری سنبھالی تھی، ٹیم نے ان کی نگرانی میں سال 2016 میں ایٹلیٹیکو میڈرڈ شکست دیکر چیمپیئن لیگ پر قبضہ کیا تھا اس کے بعد 2017 میں یووینٹس کو جبکہ سنہ 2018 میں لیور پول کو شکست دے کر خطاب حاصل کیا تھا۔