ممبئی: لوکل ٹرین حادثے میں نوجوان زخمی

ممبئی کی لائف لائن کہی جانے والی لوکل اور ایکسپریس ٹرین سے سفر کرنے کی جلد بازی میں مسافر اکثر حادثے کا شکار ہوکر شدید زخمی یا پھر اپنی جان گنوا پیٹھتے ہیں۔ ایسے ہی ایک حادثے کا ویڈیو سوشل میڈیا پر وائرل ہو رہا ہے۔

کلیان ریلوے ذرائع کے مطابق حادثہ 13 اگست رات 11 بجے کے درمیان ممبئی ہاؤڑا میل ٹرین جیسے ہی کلیان اشٹیشن پر پہنچی اور وہ پوری طرح رکی بھی نہیں تھی کہ وجے چترویدی نامی مسافر چلتی ایکسپریس ٹرین میں سوار ہونے کی کوشش کے دوران گر پڑے۔

سی سی ٹی وی فوٹیج میں واضح طور سے نظر آرہا ہے کہ مسافر جیسے ہی ٹرین کے پائے دان پر قدم رکھتا ہے اسکا توازن کھو گیا اور وہ ٹرین اور پلیٹ فارم کے خلا میں گر پھنس گیا۔ اس دوران وہاں ڈیوٹی پر موجود آر پی ایف انسپکٹر ایس جی کالے نے وہاں موجود مسافروں کی مدد سے وجے چترویدی کو ہابر نکالا۔ مسافر کو شدید زخمی حالت میں ہسپتال میں داخل کروایا گیا ہے۔