ہرنائی میں نوجوان ندی میں ڈوب گیا

بلوچستان میں نوجوان اس وقت پانی میں ڈوب کر ہلاک ہوگیا، جب وہ پکنک منانے کے لیے وہاں گیا ہوا تھا اور ندی میں نہا رہا تھا۔

بلوچستان میں ضلع ہرنائی کے علاقے اسپین تنگی میں لیویز حکام کے مطابق کوئٹہ کا نوجوان تابش اپنے دوستوں کے ہمراہ پکنک منانے ہرنائی کے علاقے اسپین تنگی آیا تھا۔

ندی میں نہاتے ہوئے نوجوان پاؤں پھسلنے کی وجہ سے گہرے پانی میں چلا گیا اور تیرنا نہ آنے کی وجہ پانی میں ڈوب گیا، جس کی وجہ سے اس کی موت ہوگئی۔

تابش کو بچانے کی کوشش کرنے والے اس کے دو دوست بھی پانی میں ڈوب گئے تھے، تاہم انہیں مقامی افراد نے پانی سے نکال کر بچالیا۔

واضح رہے کہ جاں بحق ہونے والے نوجوان تابش کی لاش سول ہسپتال ہرنائی میں طبی معائنے کے بعد ان لواحقین کے حوالے کردی گئی ہے۔