بریلی میں آل انڈیا اتحاد ملت کونسل (اے آئی آئی ایم سی) کے ضلع صدر نے ضلع مجسٹریٹ کے ذریعہ ریاست اتر پردیش کے وزیر اعلیٰ کو ایک میمورنڈم دیا سونپا۔
اس میمورنڈم میں شہر سے متعلق تمام مسائل حل کرنے کا مطالبہ کیا گیا ہے۔
ملت کونسل کے ایک ذمہ دار کے مطابق ' علاقے میں آدھار کارڈ بنوانے یا کسی غلطی کو درست کروانے میں عام لوگوں کو بڑی پریشانیوں کا سامنا کرنا پڑ رہا ہے'۔
انھوں نے کہا کہ ' لوگوں کو درپیش پریشانی کا یہ عالم ہے کہ رات میں دو بجے سے لوگ قطار میں آکر کھڑے ہو جاتے ہیں۔ اس کے باوجود لوگوں کی باری نہیں آ رہی ہے۔ لہذا حکومت کو جگہ جگہ کیمپ لگاکر آدھار کارڈ بنوانے کے اقدامات کرنے چاہیے '۔
اس کے علاوہ بریلی کے تحصیل فرید پور میں حال ہی میں ایک دردناک حادثہ پیش آیا ہے۔ یہاں کے مقامی مزدور اجمیر میں روزی روٹی کی تلاش میں جا رہے تھے کہ راستے میں بس حادثہ کی زد میں آگئی اور دس مزدوروں کی موت ہو گئی۔
اے آئی آئی ایم سی نے حکومت سے حادثے میں جاں بحق افراد کے لواحقین کی انتہائی غربت کے مد نظر پانچ پانچ لاکھ روپیہ بطور امداد یا بطور معاوضہ دیے جانے کا مطالبہ کیا ہے۔
یوگی آدتیہ ناتھ سے مسائل کے حل کا مطالبہ یوگی آدتیہ ناتھ سے مسائل کے حل کا مطالبہ ایک دیگر مطالبے میں وزیر اعلیٰ کو متوجہ کرتے ہوئے کہاگیا ہے کہ شہر کے بیرئر نمبر دو کے پاس شراب کی بھٹّی کھولی جا رہی ہے۔ اطراف کی عوام اس سلسلہ میں اس بھٹّی کے خلاف احتجاجی مظاہرہ کر رہی ہے اور مقامی لوگ اسکی مخالفت بھی کر چکے ہیں۔ اسکے اطراف میں اسکول، مسجد اور قبرستان بھی ہیں۔
ایک مقامی باشندہ نے کہا کہ 'اس کے باوجود بھٹّی کو بند نہیں کیا جا رہا ہے۔ یہ معاملہ کبھی بھی تنازعہ کی وجہ بن سکتا ہے۔ لوگوں میں بہت غصّہ ہے۔ اسے فوراً بند کر دیا جائے'۔
