بہاراسمبلی انتخابات سے قبل یشونت سہنا کا نیا اتحاد

یشونت سنہا نے پریس کانفرنس سے خطاب کرتے ہوئے کہا کہ 'اس بار بدلو بہار'کے نعرے کے ساتھ وہ بہار کو اس کا پرانا وقار دلانے کی لڑائی لڑیں گے۔

بہار کے دارالحکومت پٹنہ میں سابق مرکزی وزیر مالیات یشونت سنہا نے بہار اسمبلی انتخابات سے قبل ایک نئے اتحاد کی بات کہی ہے۔ انہوں نے کہا کہ موجودہ حکومت کو بدلے بغیر بہار کی ترقی ممکن نہیں ہے۔ انہوں اسمبلی انتخاب مضبوطی کے ساتھ لڑنے کا اعلان کیا ہے، تاہم اپنی سیاسی پارٹی کا اعلان نہیں کیا۔

یشونت سنہا نے پریس کانفرنس سے خطاب کرتے ہوئے کہا کہ 'اس بار بدلو بہار'کے نعرے کے ساتھ وہ بہار کو اس کا پرانا وقار دلانے کی لڑائی لڑیں گے۔

یشونت سنہا نے بہار کی بدحالی کے لئے موجودہ حکومت کو ذمہ دار قرار دیا۔ انہوں نے کہا کہ ریاست میں اب تک ایک بھی صنعت نہیں شروع ہوئی ہے۔ اس کے برعکس کئ چینی ملیں بند ہو گئی ہیں۔

انہوں نے بہار حکومت پر بد عنوانی کو فروغ دینے کا الزام عائد کرتے ہوئے کہا کہ ریاست میں بدعنوانی عروج پر ہے۔ ٹریجری سے پیسہ نکل جاتا ہے اور حکومت کو خبر نہیں ہوتی ہے۔

انہوں نے ایک سوال کے جواب میں کہا کہ 'جو بھی ہمارے ساتھ آنا چاہے بغیر شرط کے آ سکتا ہے۔ ابھی خاکہ تیار کر رہے ہیں اور بہت جلد اپنے آئندہ کے لائحہ عمل کا اعلان کریں گے'۔

پریس کانفرنس میں انکے ساتھ ریاست کے متعدد سیاسی رہنما موجود تھے، جو ایں ڈی اے اور یو پی اے کے باغی ہیں۔