حیدرآباد: رام مندر کی سنگ بنیاد کے خلاف احتجاج

تلنگانہ کے شہر حیدرآباد کے علاقے سعیدآباد کی خواتین نے ایودھیا میں بابری مسجد کی از سر نو تعمیر کی دعا کی۔

علاقے کی خواتین نے بابری مسجد کی اسی جگہ پر دوبارہ تعمیر ہونے تک اپنی جدوجہد جاری رکھنے کا عہد کیا ہے۔

احتجاج کررہی خواتین نے خطاب کرتے ہوئے کہا کہ بابری مسجد کی جگہ مندر تعمیر کیا جارہا ہے ۔ نام نہاد مندر تمام مسلمانان ہند کے لیے نا قابل قبول ہے مسجد اور مسجد کی جگہ اللہ کی ملکیت ہے اسے تبدیل نہیں کیا جا سکتا ہے۔

خواتین کا مزید کہنا ہے کہ مسلمانان ہند کو چاہیے کہ وہ بابری مسجد کی بازیابی کے لیے ہر ممکن جدوجہد کریں عزم و حوصلہ کے ساتھ آگے بڑھیں۔

احتجاج کررہی خواتین ہاتھ میں سیاہ پرچم اور پلے کارڈ تھامے ہوئے تھیں اور اس موقع پر یہاں علاقے کی کئی خواتین نے خطاب کیا۔