مظفرپورمیں ایک بار پھر انسانیت شرمسار

ریاست بہارکے ضلع مظفرپورمیں ایک بار پھر انسانیت شرمسار ہوتی نظرآئی ہے، ضلع کے دکرما گاؤں میں تین خواتین کو ڈائن بتا کر انہیں نیم برہنا کرکے گھمایا گیا۔

آپ کو بتا دیں کہ مظفر پور کے ہتھوڑی تھانہ علاقے کے ڈکراما گاؤں کی ایک ویڈیو تیزی سے وائرل ہو رہی ہے۔ جس میں گاؤں کے کچھ اوباشوں نے مل کر گاؤں کی ہی تین خواتین کے ساتھ ایسے برے برتاؤ اور غیر انسانی رویہ اپنایا کہ انسانیت شرم سے پانی پانی ہوجائے۔یہ شرمناک واقعہ ہتھوڑی اسٹیشن کا بتایا جارہا ہے۔

اس واقعے کو گاؤں کے کسی شخص نے اپنے موبائل میں قید کرلیا تھا تب سے پورے ضلع میں ویڈیو تیزی سے وائرل ہورہی ہے۔

فی الحال معاملے کہ منظر عام پر آنے کے بعد مظفر پور ضلعی انتظامیہ اور تھانہ ہتھوڑی تھانہ حرکت میں ہے ایف آئی آر درج کرکے ملزم کو گرفتار کرنے کی کوشش کی جارہی ہے۔

پولیس نے اس معاملے میں ملوث تقریبا ایک درجن افراد کو حراست میں لیا ہے، حالانکہ تشدد کا واقعہ 2 دن پہلے پیش آیا ہے۔