ریاست بہار کے ضلع گیا میں واقع بیلا گنج کے دریا پورمیں قتل کے الزام میں پولیس نے اب تک چار افراد کوگرفتار کیا ہے جس میں ہلاک شدہ کی بیوی ، سالی اور ساڑھو شامل ہیں۔ بتایا جاتا ہے کہ ضلع گیا میں متوفی یوگیندر پرساد کو فون کرکے سالی کے گھر بلایا گیا جہاں اس کی بیوی پہلے سے موجود تھی۔
متوفی جانوروں کا تاجر تھا اور جانوروں کی خریداری پر لڑائی ہوئی جس کے بعد اس کی لاش برآمد ہوئی۔ متوفی کی گردن پر رسی کے نشانات پائے گئے جس سے اندازہ کیا جارہا ہے کہ اس کا گلا گھونٹ کر قتل کردیا گیا
مقتول کے بڑے بھائی نے بتایا کہ پولیس یوگیندر پرساد کی بیوی ، سالی اور ساڑھو کو حراست میں لے کر پوچھ تاچھ کررہی ہے۔ انہوں نے کہا کہ اس قتل میں مہلوک کے سسرال والوں کا ہاتھ ہے اور پولیس کو اس سلسلہ میں منصفانہ کارروائی کرنی چاہئے۔ پولیس نے اس قتل کے سلسلہ میں چار افراد کو گرفتار کرلیا ہے۔
