مغربی بنگال کے بیربھوم دورے کے اختتام پر وزیراعلی ممتا بنرجی نے کہا کہ آج وشوا بھارتی یونیورسٹی کو لے کر جو نچلے درجے کی سیاست ہو رہی ہے اس سے پہلے کبھی نہیں دیکھا۔
انہوں نے کہا کہ وشوا بھارتی یونیورسٹی کے وائس چانسلر بدوت چکرورتی اپنے فرائض کو صحیح طریقے سے انجام نہیں دے رہے ہیں، ان کی ہی وجہ سے وشوا بھارتی یونیورسٹی بیرونی ریاستوں کے رہنماؤں کو تعلیمی ادارے میں گندی سیاست کرنے کا موقع ملا، اس سے بری بات اور کیا ہو سکتی ہے۔
وشوا بھارتی یونیورسٹی کے موجودہ وائس چانسلر سے پہلے اتنی سیاست نہیں ہوا کرتی تھی، لیکن آج موجودہ صورتحال دیکھ کر افسوس اور مایوسی ہوتی ہے۔ آج کل یونیورسٹیوں میں جو کچھ بھی ہو رہا ہے اس کی ذمہ دار کون ہے کسی کے پاس اس کا کوئی جواب نہیں ہے۔
وزیراعلی ممتا بنرجی نے کہا کہ سابق وزیر اعظم راجیو گاندھی جیسا وشوا بھارتی یونیورسٹی کا چانسلر کبھی نہیں دیکھا، ایک زمانہ تھا جب سابق وزیراعظم راجیو گاندھی وشوا بھارتی یونیورسٹی کے چانسلر ہوا کرتے تھے۔اس وقت اور آج میں زمین و آسمان کا فرق ہے۔
سابق وزیراعظم راجیو گاندھی نے جب وشوا بھارتی یونیورسٹی کا دورہ کیا تھا تو اس وقت کا ماحول کچھ اور ہی تھا، راجیو گاندھی جیسا کامیاب چانسلر ملک میں دوبارہ پیدا نہیں ہوا۔
