ملک کے 71 ویں یوم جمہوریہ کی تقریب کے مہمان خصوصی کے طورپر برازیل کے صدر بولسونارو جمعہ کی شام یہاں پہنچےتھے۔ خارجی امور کے وزیر مملکت وی مرلی دھرن نے گرم جوشی سے ان کا استقبال کیا تھا۔
سب سے پہلے بولسونارو کا رسمی طورپر استقبال راشٹرپتی بھون کے احاطے میں کیاگیا۔
اس موقع پر صدر جمہوریہ رام ناتھ کووند اور وزیراعظم نریندر مودی بھی موجود تھے۔ بعد میں وہ راج گھاٹ گئے اور بابائے قوم مہاتما گاندھی کی سمادھی پر گلہائے عقیدت پیش کیا۔
بعد میں وہ حیدرآباد ہاؤس پہنچے جہاں وزیراعظم نریندرمودی کے ساتھ دوطرفہ میٹنگ ہوئی۔ میٹنگ کے بعد دوطرفہ تعاون کے معاہدوں پر دستخط کیے جائیں گے اور پریس سے بات چیت ہوگی۔