'ہم غریب کی لڑائی لڑ رہے ہیں'

ارریہ پارلیمانی حلقہ میں بی جے پی کے امیدوار پردیپ کمار سنگھ کی حمایت میں انتخابی جلسہ سے خطاب کرتے ہوئے رام ولاس پاسوان نے عظیم اتحاد پر جم کر تنقید کی۔

رام ولاس پاسوان نے کہا کہ عظیم اتحاد کے پاس کوئی بھی مدعا نہیں بلکہ اس میں شامل جماعتوں میں محض کرسی کا لالچ ہے۔

انہوں نے کہا کہ ہم ہر مذہب کے لیے لڑائی لڑ رہے ہیں اور سب کو ساتھ لے کر چلتے ہیں۔

انہوں نے کہا کہ مسلمانوں کو بی جے پی کو نام سے ڈرایا جاتا ہے جبکہ حقیقت اس کے بر عکس ہے اور تقریباً تمام سیاسی جماعتوں میں مسلم رہنما موجود ہیں۔

رام ولاس پاسوان نے کہا کہ کانگریس مسلمانوں کو صرف اپنے مفاد کے لیے استعمال کرتی ہے۔

انہوں نے کہا کہ لوگوں کو ڈرایا جا رہا ہے کہ اگر این ڈی اے کی حکومت اقتدار میں آئی تو ریزرویشن ختم کر دیا جائے گا لیکن جب تک نتیش اور میں بہار میں موجود ہیں تب تک بہار میں ریزرویشن ختم نہیں ہوگا۔