موسم نور اور دنیش بجاج کا راجیہ سبھا کے لیے پرچہ نامزدگی مسترد

ریاست مغربی بنگال کی سیاسی جماعت ترنمول کانگریس کی رکن موسم نور بے نظیر کا پرچہ نامزدگی قبول نہیں کیا گیا وہیں آزاد امیدوار دنیش بجاج کا پرچہ نامزدگی مسترد کر دیا گیا

مغربی بنگال کی بایاں محاذ جماعت کے اراکین نے ان دونوں کی پرچہ نامزدگی کو لے کر سوالات کھڑے کیے تھے جس کے بعد ان کا پرچہ مسترد کر دیا گیا حالانکہ آج حتمی فیصلہ لیا جائے گا۔

وہیں ترنمول کانگریس کی جانب سے تمام امیدواروں کا حلف نامہ دیا گیا لیکن موسم نور بے نظیر کا پرچہ نامزدگی قبول نہیں ہوا۔

موسم نور کے علاوہ آزاد امیدوار دنیش بجاج کا بھی پرچہ نامزدگی مسترد ہوگیا ہے، بایاں محاذ کے ارکان کی جانب سے موسم نور اور دنیش بجاج کے پرچہ نامزدگی میں متعدد نکات پر سوال کیے گئے ہیں، بتایا جا رہا ہے کہ دنیش بجاج کے پرچہ نامزدگی میں شامل کاغذات پر مجسٹریٹ کے ذریعے کیا گیا حلف نامہ شامل نہیں تھا جس کی وجہ سے ان کا پرچہ خارج کیا گیا۔

اس کے علاوہ علاقائی ریٹرننگ افسر کے کاغذات بھی شامل نہیں ہونے کا الزام لگایا گیا۔

وہیں دوسری جانب موسم نور کے پرچہ نامزدگی پر بھی بایاں محاذ کے ارکان کی جانب سے سوال اٹھائے گئے، بایاں محاذ کا کہنا تھا کہ موسم نور کے خلاف جو فوجداری کے معاملات ہیں اس کو واضح نہیں کیا گیا ہے ساتھ ہی مقررہ وقت پر اس کو متعلقہ ویب سائٹ پر بھی شائع کرنے میں تاخیر کی گئی ہے۔

اس کے علاوہ موسم نور کی جائیداد کے سلسلے میں بھی سوال کھڑے کیے گئے ہیں۔ صبح 11 بجے اس سلسلے میں آخری فیصلہ لیا جائے گا۔