جمشید پور: دسویں جماعت کے طالب علم کی بے مثال کامیابی

روہت سنہا، ٹیک ماسٹرنگ نامی فرم کے 15 سال کی عمر میں سی ای او بن گئے۔ 13 سال کی عمر میں انہوں نے ایک ویب سائٹ بنا کر تاریخ رقم کی ہے۔

روہت آج ایک کامیاب ویب ڈیزائنر کے طور پر پہچانے جاتے ہیں۔ جمشید پور کے دسویں جماعت کے طالب علم روہت نے سب کے لئے ایک بڑی مثال قائم کی ہے۔

کہا جاتا ہے کہ اگر آپ میں کچھ کرنے کی ہمت ہے تو کوئی بھی کام ممکن ہوجاتا ہے۔ جمشید پور کے کڈما کے رہائشی 15 سالہ روہت سنہا نے اپنی صلاحیتوں سے یہ بات ثابت کردی۔

روہت صرف 15 سال کا ہے اور وہ اس عمر میں ایک کامیاب سی ای او بن گیا ہے۔ 13 سال کی عمر میں ، انہوں نے ایک ویب سائٹ بنا کر تاریخ رقم کی ہے۔ روہت نے نومبر 2018 میں 'ٹیک ماسٹرنگ' کے نام سے ایک آئی ٹی کمپنی تشکیل دی اور اس کے سی ای او بن گئے۔