نوپلاسٹک، لائف فنٹاسٹک: پلاسٹک کچرے کا شاندار استعمال

پلاسٹک اس قدر نقصان دہ ہے کہ، اس کو تیار کرنے میں کاربن ڈائی آکسائڈ نکلتا ہے، اس کے بعد اس کو پانی یا زمین، جہاں بھی پھینک دیا جائے، وہاں پڑے رہنے کی صورت میں بھی یہ کاربن ڈائی آکسائیڈ چھوڑتا رہتا ہے۔

بھارتی ریاست گجرات کے ضلع آنند میں پیٹلاڈ میونسپلٹی کی جانب سے پلاسٹک کے خطرات سے نمٹنے کی کوشش جاری ہے۔

پیٹلاڈ میونسپلٹی، پلاسٹک کے کچرے کو تیل میں تبدیل کر رہی ہے، اس کا بنیادی مقصد شہر کو سنگل یوز پلاسٹک سے آزاد کرانا ہے۔

بڑے پیمانے پر پلاسٹک کے فضلے کا ہونا عالمی سطح پر تشویش کا سبب ہے، وہیں دوسری جانب اس فضلے کا محض 5 فیصد حصہ ہی روزانہ ریسائیکل کیا جاتا ہے۔ اس سے ظاہر ہوتا ہے کہ ہر گزرتے پل کے ساتھ، پلاسٹک کا بڑھتا ہوا دائرہ زمین کے لیے کتنا بڑا خطرہ بنتا جارہا ہے۔

پیٹلاڈ میونسپلٹی کی چیف افسر ہیرالبین ٹھاکر کا کہنا ہے کہ یہ پلاسٹک اس قدر نقصان دہ ہے کہ، اس کو تیار کرنے میں کاربن ڈائی آکسائڈ نکلتا ہے، اس کے بعد اس کو پانی یا زمین، جہاں بھی پھینک دیا جائے، وہاں پڑے رہنے کی صورت میں بھی یہ کاربن ڈائی آکسائیڈ چھوڑتا رہتا ہے۔

گرین ہاوس اور تیز گرمی کا سبب بھی یہی پلاسٹک ہے۔ اس لیے پلاسٹک کا استعمال ماحولیات کے لیے بے حد خطرناک ہے، اور یہ خطرہ روز بروز بڑھتا جا رہا ہے۔

پیٹلاڈ میونسپلٹی نے اپنے ضلع میں پلاسٹک کی کھپت کو کم کرنے کی کوشش کی ہے۔ میونسپلٹی کے رضاکار گھر گھر جاکر پلاسٹک کا کچرا یکجا کرتے ہیں۔ بعد ازاں انہیں خشک اور تر کچرے کے زمرے میں درجہ بندی کی جاتی ہے۔

بعد ازاں اسے ڈمپنگ سائٹ میں لایا جاتا ہے، جہاں ایک پلاسٹک پائرولسس پلانٹ لگایا گیا ہے۔ اسی پلانٹ میں پلاسٹک کے کچرے کو قابل استعمال تیل کی صورت میں تبدیل کیا جاتا ہے۔

اس تیار شدہ تیل کو کم رفتار والے ڈیزل انجن اور جنریٹر میں استعمال کیا جاتا ہے۔

میونسپلٹی نے شہر کو پلاسٹک سے آزاد کرانے کا بیڑا اٹھایا ہے، اور اس کا مثبت نتیجہ بھی سامنے آ رہا ہے۔