وانواتو میں زلزلے کے شدید جھٹکے

جنوبی بحرہ الکاہل ملک وانواتو میں پیر کی صبح شدید زلزلے کے جھٹکے محسوس کیے گئے ہیں۔

امریکہ کے جیولوجیکل سروے سینٹر نے بتایا کہ مقامی وقت کے مطابق صبح تقریبا دو بجے زلزلے کےجھٹکے محسوس کیے گئے ہیں زلزلے کی شدت کی پیمائش ریکٹر اسکیل پر 6.4 بتائی جارہی ہے۔

جیولوجیکل سروے سینٹر نے بتایا کہ زلزلے کا مرکز 19.0408 جنوبی عرض البلد اور 169.4528 مشرقی طول البلد پر سطح سے 226.08 کلومیٹر کی گہرائی میں تھا۔

خیال رہے کہ زلزلے سے تقریبا 12 گھنٹے قبل وانواتو ساحل سے تقریباً 91 کلومیٹردور 4.5 شدت کے زلزلے کے جھٹکے محسوس کئے گئے تھے، جبکہ زلزلے کے بعد اب تک سونامی کی وارننگ جاری نہیں کی گئی ہے ۔