حضور اکرم ؐ کے موئے مبارک اور تبرکات مقدسہ کی زیارت

چشتی فاؤنڈیشن حیدرآباد کے زیراہتمام میلاد مصطفی ؐ کے موقع پر ہر سال کی طرح اس سال بھی 7 واں میلاد بلڈ ڈونیشن کیمپ جمعہ 12 ربیع الاول کو 9 بجے صبح سے 6 بجے شام تک جی ایم کے گارڈن موتی دروازہ گولکنڈہ روڈ پر منعقد ہوگا۔

خون کی کمی کے مریضوں کو عطیہ کے لئے میلاد کے موقع پر اس کیمپ کا اہتمام کیا جاتا ہے۔ جناب کوثر محی الدین رکن اسمبلی کاروان اس کیمپ کا افتتاح کریں گے۔ جناب خواجہ شجاع الدین افتخاری حقانی پاشاہ صدر چشتی فاونڈیشن حیدرآباد کی نگرانی ہوگی جبکہ جناب غلام محی الدین خان پاشاہ بھائی صدارت کریں گے۔

نمائندہ کارپوریٹرس جناب عزیز خان پٹھان‘ محمد وجیہ احمد صدیقی‘ جناب ہارون فرحان‘ جناب محمد نصیر الدین کارپوریٹر کے علاوہ بحیثیت مہمان شرکت کریں گے۔ جی ایم کے گروپ کے اشتراک سے خون کے عطیہ کیمپ کے علاوہ اور میلاد مصطفی ؐ کے موقع پر عشاقان محمدی ؐ کے لئے آثار مبارک و تبرکات مقدسہ کی زیارت کا بھی اہتمام کیا گیا ہے۔

حضور اکرم ؐ کے موئے مبارک‘ اہل بیت اطہار‘ صحابہ کرام‘ تابعین‘ تبع تابعین‘ اولیا ء کرام کے کثیر تعداد میں تبرکات مقدسہ بھی زیارت کے لئے رکھے جارہے ہیں۔ کنوینر جناب شکیل علی خان اور جناب محمد رفیع (صحافی) کوارڈنیٹر نے شمع محمدیؐ کے پروانوں سے کثیر تعداد میں شرکت کی خواہش کی ہے۔