نائب صدر جمہوریہ نے گرو تیگ بہادر کو خراج عقیدت پیش کیا

ملک کے نائب صدر جمہوریہ ایم وینکئیا نائیڈو نے سکھ مذہب کے نویں گرو، گرو تیگ بہادر کے یوم قربانی پر ان کو خراج عقیدت پیش کیا ہے۔

ایم وینکئیا نائیڈو نے منگل کے روز اپنے ایک پیغام میں کہا کہ گرو تیگ بہادر نے بے لوث جذبے سے عوامی خدمت کی اور بھائی چارے کی تشہیر کی اور دنیا کو امن اور عالمی بھائی چارے کا پیغام دیا۔

نائب صدر جمہوریہ نے کہا کہ انسانی حقوق کے تحفظ کے لئے گرو تیگ بہادر کی قربانی نسلوں تک تحریک دیتی رہے گی۔

انہوں نے اپنے پیغام میں ایک دوحے کا ذکر کیا اور کہا کہ مذہبی عدم رواداری کے خلاف، ہمارے عقیدت کی حفاظت کے لیے گرو تیگ بہادر جی کی قربانی کو سلام۔