وینکیا نائیڈو کی بنکر برادری کو مبارکباد

چھٹے قومی ہینڈلوم ڈے کے موقع پرنائب صدر جمہوریہ نے مبارکباد دی ہے۔

نائب صدر ایم وینکیا نائیڈو نے ’یوم ہینڈلوم‘ کے موقع پر بنکر برادری کو مبارکباد دیتے ہوئے کہا ہے کہ دنیا کو بھارت کے انوکھے فن سے آگاہ کرنے کی کوشش کی جانی چاہئے۔

جمعہ کے روز ایک پیغام میں وینکیا نائیڈو نے کہا کہ ہینڈلوم آرٹ بنکر بھائیوں کی دستکاری کی علامت ہے۔ انہوں نے کہا ’’آج چھٹے قومی ہینڈلوم ڈے کے موقع پرمیں ہینڈلوم پر کام کرنے والے ملک کے بنکر بھائیوں اور بہنوں کو دلی مبارکباد پیش کرتا ہوں‘‘۔

وینکیا نائیڈو نے کہا کہ کاروباری نوجوانوں کو اس فن کی تربیت دیکر اس فن میں اجادات کرنا اور اسے فروغ دینا ہے۔ بھارت کے اس انوکھے روایتی فن سے دنیا کو متعارف کرانے کی ہر ممکن کوشش کرنی ہوگی۔

نائب صدر نے کہا کہ ہینڈلوم دیسی خود انحصاری اورہمارے بنکر بھائیوں کے قوت بازو، فن کاری، خود داری اور بااختیار بنانے کی نشانی ہے۔ 1950 میں آج ہی کے دن سودیشی مہم کا آغاز ہوا۔ پشمینہ سے کانجیورم ریشم، بندھنی سے مونگا سلک تک بھارت دستکاری اور ہینڈ لوم کی ایک جنت ہے، جسے روایتی بنکروں اور کاریگروں کے ہنر مند ہاتھوں سے سنوارا سجایا جاتا ہے۔

انہوں نے کہا کہ ہینڈلوم صرف ایک ہنر نہیں ہے بلکہ یہ متعدد کاریگروں اور بنکروں خصوصاً خواتین کی زندگی اور معاش کے ساتھ مربوط ہے۔ اس نایاب ہنر، اس کا معیار، اس کی متنوع املاک دانش کو تحفظ او حوصلہ افزائی کرنا چاہئے۔