اتر پردیش: حکومت کے دعوے کھوکھلے ثابت ہوئے

مریضوں کو اسپتال پہنچانے والی سواری یعنی ایمولینس اگر خود بیمار ہو جائے تو سوچیے مریضوں کا کیا حال ہوگا۔

ایسا ہی معاملہ ریاست اتر پردیش کے ضلع سہارنپور میں پیش آیا جب ایک ایمبولینس کو دھکا دے کر چالو کرنے کی کوشش کی جارہی تھی۔

صحافیوں نے ایمبولینس کو دھکا لگاتے ہوئے ڈرائیورس کی تصویر نکالنے کی کوشش کی تو ڈرائیور ہاتھا پائی پر اتر آیا اور صحافیوں کے کیمرے چھننے کی کوشش کی۔

اس معاملے میں محکمہ صحت نے خاموشی اختیار کی ہوئی ہے۔

واضح رہے کہ ریاست میں بی جے پی کی حکومت آنے کے بعد وزیراعلیٰ یوگی آدتیہ ناتھ نے دعویٰ کیا تھا کہ عوام کو بہتر طبی سہولیات فراہم کی جائے گی لیکن حکومت کا یہ دعوی محض دعوی ہی ثابت ہوا۔