وائرل ویڈیو نے مچائی ہلچل، پولیس نے لیا ایکشن

اتراکھنڈ کے ضلع اودھم سنگھ نگر میں سوشل میڈیا پر ایک ویڈیو وائرل ہو رہی ہے جو انسانیت کو شرمسار کر رہی ہے کیونکہ اس ویڈیو میں ایک کنبہ ایک بوڑھی خاتون کو پیٹ رہا ہے۔

مار پیٹ کے اس سارے معاملے کو کسی نے اپنے موبائل کیمرے میں قید کرلیا، جو اب اتراکھنڈ میں سوشل میڈیا پر تیزی سے وائرل ہورہا ہے اور اس ویڈیو نے محکمہ پولیس میں ہلچل مچادی ہے۔

واضح رہے کہ یہ تین جنوری کو پیش آیا یہ واقعہ ضلع اودھم سنگھ نگر کے گدر پور پولیس اسٹیشن کے گاؤں مکران پور کا بتایا جارہا ہے جہاں ایک کنبہ نے سبھی حدوں کو پار کرتے ہوئے اپنے ہی گھر کی 80 سالہ بوڑھی خاتون کو زدوکوب کیا۔

انسانیت کو شرما دینے والی اس ویڈیو کے وائرل ہوتے ہی علاقے کے ایس پی پولیس راجیش بھٹ نے تحقیقات کا آغاز کیا اور کہا کہ ملزمان کے خلاف سخت کارروائی کی جائے گی اور اس پر عملدرآمد کیا جائے گا۔