'اردو کو فروغ دینے کے لیے اداروں پر بھروسہ نہ کریں'

ممبئی پریس کلب میں اردو فاونڈیشن ممبئی کی جانب سے ایک پروگرام کا انعقاد کیا گیا جس میں اردو کے ادیب و نقاد شمیم طارق نے بھی شرکت کی۔

ریاست مہاراشٹر کے شہر ممبئی میں منعقد ہونے والے اس پروگرام میں شمیم طارق نے کہا کہ اردو کو زندہ رکھنے کے لیے ہمیں بڑی اداروں پر بھروسہ نہیں کرنا چاہیئے، بلکہ اپنی جانب سے اس کے فروغ کا کام کرنا چاہیئے۔

شمیم طارق کا کہنا ہے کہ اردو ادب اور تہذیب کو آہستہ آہستہ ختم کیا جارہا ہے اور اسے ختم کرنے میں غیروں کے علاوہ اپنوں کا بھی ہاتھ ہے۔

انہوں نے کہا کہ بدلتے وقت کے ساتھ ادب اور ادیب کا تعلق معاشرے سے ٹوٹتا جارہا ہے۔

ممبئی پریس کلب میں اردو فاونڈیشن کی جانب سے پروگرام کا انعقاد

شمیم طارق نے کہا کہ موجودہ دور میں سوشل سائٹز کی وجہ سے بدلاؤ آیا ہے اور اردو زبان کو فروغ ملا ہے اور کچھ اچھے پورٹل اور چینل ہیں جو اردو کے میدان میں بہتر کام کررہے ہیں اور ان کا کردار نمایاں ہے۔