خراب موسم کی وجہ سے کاشتکار پریشان

اتراکھنڈ کے پہاڑی علاقوں میں برف باری اور میدانی علاقوں میں ژالہ باری اور دھند کی وجہ سے کاشتکاروں کی مشکلات میں اضافہ ہوگیا ہے۔

ریاست اتر اکھنڈ کے بدلتے موسم نے کاشتکاروں کے لئے تباہی اختیار کر لی ہے ، جہاں مسلسل خراب موسم کی وجہ سے کسانوں کی فصلیں تباہ ہو گئی ہیں۔

موسم کی اس تباہی سے اس سے قبل پیاز کی فصل ختم ہو جانے سے پیاز کی قیمتیں آسمان کو چھو رہی ہیں، وہیں دوسری جانب اتراکھنڈ میں غیر موسمی بارش اور ژالہ باری کی وجہ سے مٹر کی کاشت کرنے والے کسانوں کو بھاری نقصان کا سامنا کرنا پڑ رہا ہے۔

بارش اور اولے کی وجہ سے کسانوں کے کھیتوں میں پانی بھر گیا جس کی وجہ سے مٹر کی فصل گل چکی ہے۔ بقیہ فصل کو بچانے کے لئے کسان اپنے کھیتوں میں زیادہ مزدوری کر رہے ہیں، جس سے مٹر کو چھانٹ کر بچایا جا سکے۔

کسانوں اور مزدوروں کا کہنا ہے کہ غیر موسمی بارش نے گھر میں روٹی کا بحران پیدا کردیا ہے۔

ملک بھر میں کسانوں کی فصلیں رواں سیزن میں خراب ہوئی ہیں، اور جن کسانوں نے محنت مزدوری کر کے فصل لگایا اس کی مزدوری بھی وصول نہیں ہوسکی۔

جہاں ایک طرف پیاز اور مٹر کی قیمتوں میں اضافہ ہوا، وہیں کسانوں سے بہت کم روپے میں پیاز اور مٹر خریدے جارہے ہیں، جس کی وجہ سے خریدنے اور فروخت کرنے والے لوگ دونوں کو نقصان ہو رہا ہے۔